Almaty qalasy ákiminiń orynbasary Erjan Babaqumarov "Áleýmettik medısınalyq saqtandyrý qory" KeAQ basqarmasy tóraǵasynyń orynbasary Lázzat Aqtaevamen megapolıs halqyn MÁMS júıesimen qamtýdyń mańyzdy máseleleri boıynsha óńirlik shtabtyń onlaın-otyrysyn ótkizdi.
Otyrysqa MÁMS Almaty fılıalynyń basshylyǵy, qalalyq qoǵamdyq densaýlyq saqtaý, áleýmettik ál-aýqat, kásipkerlik jáne ınvestısııalar basqarmalary, óńirlik kásipkerler palatasy, sonymen birge, memlekettik jáne jekemenshik medısınalyq mekemelerdiń bas dárigerleri qatysty.
Basty maqsat — megapolıs halqyn áleýmettik medısınalyq saqtandyrý júıesimen qamtýdy keńeıtý boıynsha sharalardy kúsheıtý, ol óz kezeginde halyqtyń medısınalyq qyzmet túrlerine jumsaıtyn qarjysyn tómendetýge múmkindik beredi. Erjan Babaqumarov jumys berýshiler men iri, orta jáne shaǵyn bıznes sýbektileriniń, sonymen birge, joǵary oqý oryndarynyń jáne orta bilim berý oryndarynyń, sonymen birge, halyqtyń jeńildik jasalatyn sanatynyń málimetterin aktýalızasııalaý qajettigine nazar aýdardy.
О́z kezeginde Lázzat Aqtaeva medısınalyq uıymdardyń kepildendirilgen tegin kómek, olarǵa qol jetimdilik, sonyń ishinde saqtandyrý statýsyna qaramastan jedel qyzmet kórsetýdi qosa alǵanda naýqastar arasynda túsindirý jumystaryn kúsheıtý jumystary máselesin kóterdi.
Almaty qalasy boıynsha "Áleýmettik medısınalyq saqtandyrý qory" KeAQ fılıalynyń dırektory T.Ábildaev aǵymdaǵy jyly bıýdjet 1,6 ese óskenin jáne 197,6 mlrd tg quraǵanyn aıtty. Onyń ishinde COVID-19 koronavırýsymen kúres aıasynda epıdemııaǵa qarsy sharalarǵa 12,5 mlrd tg bólindi. Naýryzdan shildege deıingi aralyqta 27 265 medısınalyq qyzmetkerge jalpy somasy 8,9 mlrd tg bolatyn ústemeaqy tólendi.
Búginde Almaty qalasynda 154 medısınalyq uıym MÁMS júıesi aıasynda qyzmet kórsetýde, onyń ishinde 62 paıyzy memlekettik menshik formasynda bolsa, 38 paıyzy jekemenshik ıelikte. Kórsetiletin medısınalyq qyzmet sapasyna turaqty túrde monıtorıng júrgiziledi. 2020 jyldyń I jarty jylynda kórsetilgen qyzmetterdiń sapasy men kólemi boıynsha 4 myńnan astam aqaýlar anyqtalǵan, medısınalyq uıymdarǵa salynǵan aıyppuldar 200 mln teńgeden asty. О́tken jyldyń I jarty jyldyǵymen salystyrǵanda aqaýlardyń (2019 jyldyń I jarty jylyndaǵy aıyppuldar somasy 250 mln teńgeden asqan) tómendegeni baıqalǵan.
Otyrys barysynda medısınalyq uıymdardyń bas dárigerleriniń MÁMS aıasynda halyqqa medısınalyq kómek kórsetý týraly baıandamalary tyńdaldy.
О́ńirlik shtabtyń tóraǵasy, Almaty qalasy ákiminiń orynbasary Erjan Babaqumarov halyqty MÁMS aıasynda halyqty qamtýdyń keńeıtý qala turǵyndarynyń sapaly medısınalyq qyzmet alý quqyǵymen qamtamasyz etýge qajet ekenin atap ótti jáne basqarmalar jáne medısınalyq uıymdardyń basshylaryna atalǵan suraqty erekshe baqylaýǵa alýdy tapsyrdy. Mindetti áleýmettik medısınalyq saqtandyrý júıesi halyqqa medısınalyq qyzmet túrleriniń keńeıtilgen paketin, sonyń ishinde qymbat turatyn prosedýralar men operasııalardy kepildendirilgen tegin medısınalyq kómek kólemimen shektelmeı kórsetýge múmkindik beredi.
Anyqtama úshin: mindetti áleýmettik saqtandyrý suraqtary boıynsha 1406 nómiri boıynsha Biryńǵaı baılanys-ortalyǵynan keńes alýǵa bolady.
