Oqıǵa ornyna shaqyrýdyń joǵary dárejesi boıynsha dereý saǵat 07:44-te Almaty oblysy TJD eń jaqyn jerde ornalasqan 3 órt sóndirý bólimsheleriniń kúshteri men quraldary 15 adam jeke quramy jáne 5 birlik tehnıka, sondaı-aq Almaty qalasy TJD 4 adam jáne 1 birlik tehnıka jiberildi.
Alǵashqy bólimshelerdiń saǵat 07:58-de kelgen soń (14 mınýttan keıin, jaqyn jerde ornalasqan bólimsheden 15 shaqyrym qashyqta) bir-birine jaqyn ornalasqan "Arman" jáne "Nıkol" bir qabatty eki dúken ashyq otpen janyp jatqandyǵy anyqtaldy.
О́rt saǵat 08:26-da jedel oqshaýlanyp, saǵat 09:25-te aýyzdyqtaldy. О́rt alańy 761 sharshy metrdi qurady, onyń ishinde "Arman" dúkeni - 610 sharshy metr (shatyrdyń buzylýymen) jáne "Nıkol" dúkeniniń - 151 sharshy metri (shatyr) órtendi. Qurban bolǵandar men zardap shekkender joq.
О́rt sóndirýshiler qabyldaǵan sharalardyń arqasynda irgeles ornalasqan dúkender men jeke turǵyn úılerge órttiń taralýyna jol berilmedi.
О́rttiń sebebin anyqtaý úshin oqıǵa orynynda synaq órt zerthanasy jumys isteýde.
Almaty oblysy TJD azamattardan saýda nysandaryndaǵy órt qaýipsizdiginiń negizgi erejelerin saqtaýdy suraıdy:
- elektr jelisiniń shamadan tys júktelýine, oqshaýlaýdyń kórinetin buzylýlary bar elektr symdary men kabelderdi paıdalanýǵa jol bermeý;
- rozetkalardy, rýbılnıkterdi, búlingen basqa da elektrqurylǵylaryn, qoldan jasalǵan elektrjylytqysh aspaptardy paıdalanbaý;
- otpen jumys isteý kezinde beıqam bolmaý;
- syrtqy jáne ishki órtke qarsy sýmen jabdyqtaý kózderin jaramdy kúıde ustaý;
- obektilerdi alǵashqy órt sóndirý quraldarymen qamtamasyz etý.
