Nurlan Noǵaev Memleket basshysyna bolashaqta Teńiz kenishin keńeıtý men erneýlik qysymdy basqarý jónindegi jobalardyń júzege asyrylýy týraly baıandady. Bul jobalar 2022 jyldyń sońyna deıin munaı óndirisin 12 mln tonnaǵa arttyrýǵa múmkindik beredi.
Sondaı aq Prezıdentke 2025 jylǵa deıin munaıgazhımııa salasynda jalpy sommasy 15 mlrd AQSh dollaryn bolatyn jobalar júzege asyrý josparlanǵany týraly aqparat berildi.
Mınıstrdiń aıtýynsha, jyl basynan beri qýattylyǵy 432,05 MVttyq jańartylatyn qýat kózderiniń 15 nysany iske qosylǵan. Jyl sońyna deıin taǵy 260 MVt jańartylatyn qýat kózderiniń nysandary paıdalanýǵa berilmek.
Nurlan Noǵaev 1 qyrkúıekten bastap salany sıfrlandyrý baǵdarlamasy aıasynda qazba baılyqtardy paıdalaný quqyǵy boıynsha aýksıondardy elektrondy formatta ótkizý josparlanyp otyrǵanyna toqtaldy. Bul konkýrstyq úderisterdiń ashyq júrýin qamtamasyz etip, kásipkerlerdiń shyǵyndaryn azaıtady.
Kezdesý qorytyndysy boıynsha Memleket basshysy energetıka salasyn damytýǵa qatysty birqatar naqty tapsyrma berdi.
