Aımaqtar • 05 Qyrkúıek, 2020

Ábilqaıyr Sqaqov Pavlodardyń mádenıet jáne qosymsha bilim berý mekemelerine bardy

15 ret kórsetildi

Pavlodar oblysynyń ákimi mýzykalyq kolledjdi, daryndy balalarǵa arnalǵan mýzyka mektebin, Shaferdiń mýzeı úıin, sondaı-aq Kataev atyndaǵy oqýshylar saraıyn aralady, dep habarlaıdy Ravlodarnews.kz.

Oblys ákimi baspasóz qyzmetiniń málimetinshe, óńir basshysy mýzykalyq kolledjge tanymal opera ánshisi jáne pedagog Shahımardan Ábilovpen birge bardy. Qonaqtar vokaldyq án aıtý men mýzykalyq aspaptarda oınaýdy úırenetin synyptarda boldy. Jergilikti kitap qoımasynda ártis bul Qazaqstandaǵy eń úzdik mýzyka kitaphanalarynyń biri ekenin atap ótti.

"Munda eń tapshy notalardy tabýǵa bolady", - dedi Shahımardan Ábilov. - Tipti konservatorııalarda da mundaı kitaphanalar joq, bul balalardy oqytýǵa arnalǵan óte myqty baza.

Konsert zalynda kolledj túlekteri men oqýshylary belgili baıanshy, qazaqstandyq jáne halyqaralyq konkýrstardyń laýreaty Oljas Nurlanovtyń qatysýymen mýzykalyq qoıylym uıymdastyrdy.

1

Mýzykalyq kolledjdiń basqa korpýsynda Shahımardan Ábilov Ábilqaıyr Sqaqovqa avtorlyq vokal mektebin tanystyrdy. Munda balalar akademııalyq án aıtýdy úırenýge jáne mýzykalyq mansapqa alǵashqy qadamdaryn jasaýǵa múmkindik alady.

Odan keıin Pavlodar oblysynyń ákimi 30 myńǵa jýyq gramplastınka saqtalǵan Shaferdiń biregeı mýzeı úıin aralady. Murajaıdyń negizin qalaýshy 89 jastaǵy Naým Shafer plastınkalardy qalaı jınaı bastaǵanyn jáne qazir kolleksııasyndaǵy jazbalar sandyq formatqa aýdarylatynyn aıtty. О́z qonaqtary úshin mýzykatanýshy "Qaratorǵaı" áni jazylǵan 1938 jylǵy plastınkany qoıdy.

"Osyndaı mýzykalyq kolleksııany, naǵyz ulttyq qazynany jınaýdaǵy orasan zor eńbegińiz úshin úlken rahmet", - dedi óńir basshysy Naým Shaferge.

Ábilqaıyr Sqaqov Kataev atyndaǵy oblystyq oqýshylar saraıynda da boldy. Munda oblys ákimine qosymsha bilim berýdi damytý týraly aıtyldy. Oqýshylar saraıynda balalar robototehnıkamen aınalysady, astronomııa men tilderdi úırenedi, vokaldy jáne mýzykalyq aspaptarda oınaýdy, beıne stýdııasynda jumys isteýdi úırenedi. Bıylǵy jyly mekeme úzdik bilim berý uıymdarynyń biri retinde 50 mıllıon teńgege sertıfıkat aldy.


Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar