STÝDENTTER DÁN RIZA

Táýelsiz memleketimiz úshin jastar máselesi qashan da ma­ńyz­dy. El men jerdiń erteńgi ıesi jas mamandar men aýyl jastaryna jan-jaqty áleýmettik jaǵdaı tý­ǵyzý kún tártibinen túsip kórgen emes. Aýylǵa jas mamandardyń kóp­tep barýyn, aýyl jastaryn tu­raqtandyrýdyń sharalaryn alýdy Elbasy Nursultan Nazarbaev udaıy nazarda ustap keledi. Mem­leket basshysy óziniń “Jańa on­jyldyq – jańa ekonomıkalyq ór­leý – Qazaqstannyń jańa múm­kindikteri” atty bıylǵy Jol­daý­ynda  “Respýblıkalyq bıýdjette zeınetaqylardy ústimizdegi jylǵy 1 qańtardan bastap,al shákirtaqy men bıýdjettegilerdiń eńbekaqy­la­ryn 1 shildeden bastap 25 paıyzǵa ósirý qarastyrylǵan. О́tken jyl­ǵy ekonomıka ósiminiń oń serpini shákirtaqylar men bıýdjettegiler eńbekaqylaryn úsh aı buryn – 2010 jyldyń sáýirinen bastap ósirýge múmkindik beredi dep esep­teı­min. Úkimetke osy qajetti sha­ra­lardy qabyldaýdy tap­syra­myn”, degen sózderi  is jú­zine asyp otyr. Elbasy Joldaýyn qol­dap, ony halyqqa jetkizýge atsa­ly­syp kele jatqan Aqtóbe mem­lekettik pedagogıkalyq ınstı­týtynyń professor-oqytýshylar quramy men stýdentter qaýymy osyǵan baılanysty jıyn ótkizip, Nursultan Ábishulynyń halyqtyń ál-aýqatyn arttyrýǵa baǵyttalǵan sarabdal saıasatynyń qaıtarym­dy­lyǵyn áńgime ózegine aınaldyrdy. Osy jıynda sóz alǵan ınstı­týttyń shetel tilderi fakýltetiniń stýdentteri Mánshúk Moldajanova men Mánshúk Dúmbaeva Elbasy­nyń jastarǵa jasap otyrǵan ákelik qamqorlyǵyna rızashyly­ǵyn bildirip, aldaǵy ýaqytta sa­baqty jaqsy oqýmen qatar, qo­ǵamdyq jumystarǵa belsene qatysatyn­dyqtaryna, Joldaýda atap kór­setilgen mindetterdi jú­zege asyrýǵa óz bilimderi men qa­biletterin jumsaıtyndyqtaryna sendirdi. Al tórtinshi kýrs stýdenti Áıgerim Qalnııazova ınstıtýt tú­lekterin  “Dıplommen aýylǵa” baǵdarla­ma­syn qoldaýǵa shaqyrdy. Osy joǵary oqý ornynyń stýdent jastary  úndeý qabyldap, onda El­basynyń jańa, qýatty Qazaq­standy qurý jolyndaǵy saıasatyn qoldaıtyndyqtaryn jetkizdi, shá­kirtaqyny, bıýdjettegilerdiń eń­bekaqylaryn 25 paıyzǵa ósirgeni úshin alǵys sezimderin bildirdi. Satybaldy SÁÝIRBAI, Aqtóbe oblysy.