Soltústik Qazaqstan oblystyq Polısııa departamentiniń bastyǵy, polkovnık Marat Tólebaev bul talapty oryndaýǵa tyrysady. Onyń atyna jyl basynan beri 1344 ótinish pen aryz-shaǵymdar túsken. Naýryzdyń ortasynda bastalǵan karantınge deıin 101 ret jeke "azamattyq qabyldaý" bolyp, onyń 71 bastyqtyń ózi ótkizgen. Odan keıin, árıne, qabyldaýlarǵa múmkindik bolmady.
Al ótinishter men aryz-shaǵymdardyń kóbeıý sebebi – senimniń belgisi. Basshynyń qolyna tıgen barlyq qaıyrýlar tekserilip, jaýap berilgen. Aryz-shaǵymdardyń negizgi bóligi qylmystyq isterdi tergeýge qatysty qoıylyp jatady. Shaǵymdanýshylarǵa yńǵaıly bolý úshin quzyretine máseleni sheshý jatatyn tergeý, anyqtaý, jergilikti polısııa qyzmeti jáne taǵy basqa qyzmetterdiń basshylary qabyldaýlarǵa mindetti túrde qatysady. Azamattardyń ótinish-shaǵymdary "Elektrondyq úkimet" eGov.kz, sondaı-aq hattarǵa arnalǵan jáshikter men poshta arqyly qabyldaý da qatar júrgiziledi.
