Bilim • 07 Qyrkúıek, 2020

10 202 talapkerge magıstratýra granty taǵaıyndaldy

319 ret kórsetildi

Bul týraly BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev málimdedi, dep habarlaıdy Egemen.kz.

"Bıylǵy oqý jylyna arnalǵan magıstratýra dárejesi boıynsha granttardy taǵaıyndaý konkýrstyq komıssııanyń sońǵy otyrysy ótti. Magıstratýra boıynsha grant ıegerleri anyqtalyp, konkýrstyq komıssııanyń resmı jumysy aıaqtaldy. 2020-2021 oqý jylyna magıstratýrgaǵa 12 829 grant bólindi. Ǵylymı-pedagogıkalyq baǵyt boıynsha 12 119, beıindik magıstratýrǵa 710 grant bólinip otyr. Keshendi testileý 17 tamyz ben 1 qyrkúıek aralyǵynda ótti. Keshendi testileý alǵash ret kompıýterlik formatta elektrondy túrde ótkizildi", dedi ol.

BǴM Joǵary jáne joǵary oqý ornynan keıingi bilim departamenti dırektorynyń aıtýynsha, bıylǵy jyly testileýge 38 199 adam ótinish bergen.

"Keshendi testileý aıasynda alynǵan balldar negizinde konkýrs boldy. Testileýge 38 199 adam ótinish berdi. Olardyń ishinde 34 746 talapker qatysty. Osy talapkerdiń arasynda 13 051 úmitker memlekettik bilim berý grantyn taǵaıyndaý konkýrsyna qatysý múmkindigine ıe boldy. Demek, 13 myńnan astam talapker keshendi testileýden 75-ten joǵary ball jınaǵan. 5 qyrkúıekke deıin konkýrsqa qabyldaý júrgizdik. Granttardy taǵaıyndaý konkýrsyna 12 179 adam qatysty. Konkýrs 2 kún júrgizildi. Nátıjesinde komıssııa sheshimimen 10 202 adam grant ıegeri atandy. Onyń 128 úmitker beıindik magıstratýra negizinde grant aldy", dedi Á. Toıbaev.

Sondaı-aq, ol búgin keshke deıin mınıstrliktiń resmı saıtynda, áleýmettik jelilerde jáne BAQ-da grant ıegerleriniń naqty tizimi jarııalanatynyn aıtty.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar