ShYǴYS QAZAQSTAN JURTShYLYǴY ShEKSIZ RIZAShYLYQ BILDIREDI

Prezıdent poshtasynan Memleket basshysy Nursultan Nazarbaevtyń atyna Shyǵys Qa­zaq­stan oblysy azamattarynan alǵysqa toly kóptegen hattar kelip tús­ti, dep habarlady Qazaqstan Respýblıkasy Prezıdentiniń baspasóz qyzmeti. “Aýdannyń eldi mekenderinde jol ashý, malǵa jem-shóp satyp alý úshin qomaqty qarjy bólindi. Aýdanǵa qýatty tehnıkalar kelip, joldar ashyldy. Qıyn-qystaý jerlerden jedel dárigerlik kómekti qajet etetin naýqastardy alyp ketý jáne qar qyspaǵynda qalǵan shal­ǵaı eldi mekenderge azyq-túlik jet­kizý úshin tikushaqtar udaıy kelip otyrdy. Zeınetkerlerdiń zeınet­aqy­sy, ózge de áleýmettik tólemder ýaqytynda berilip turdy. Osynyń arqasynda qystan mal-basymyz aman shyqty. Bıylǵy qysta kór­setken qamqorlyǵyńyz Otany­myz­ǵa, О́zińizge degen senimimizdi odan ári nyǵaıta tústi. Qandaı qysyl­taıańda bolsyn eskerýsiz qalmaıty­nymyzǵa kózimiz jetti. Ol úshin Sizge zor rızashylyǵymyzdy jet­kizgimiz keledi”, – dep jazady Shyǵys Qazaqstan oblysy, Kúrshim aýdany­nyń turǵyndary atynan 14 adamnyń qoly qoıylǵan hatta óńirdiń belgili azamattary men eńbekkerleri. Kelesi hat kóktemgi sý tasqy­nynan aıryqsha zardap shekken, tutas aýyldary topan sý astynda qalyp, úıler qırap, mal opat bolǵan Tarbaǵataı aýdanynyń tur­ǵyndarynan kelipti. “Qıyn sátte Sizdiń qamqorlyǵyńyzdy sezindik. О́zińizdiń tikeleı tapsyrmańyzǵa oraı qazir arnaıy komıssııa aýdanymyzda jumys istep jatyr. Memleketten bólingen materıaldyq kómekti de ala bastadyq. Búginde aýdandaǵy jaǵdaı qalypty deń­geıge tústi. Apattyń zardaptaryn joıýǵa baılanysty josparly ju­mystar atqarylýda. Balalarymyz­dyń ary qaraı bilim alýdy jal­ǵastyrýyna barlyq jaǵdaı jasalǵan. Sondyqtan da biz Sizge basy­myzǵa túsken osy aýyr kezeńde Barqytbel baýraıyn mekendegen tarbaǵataılyqtarǵa jasap otyrǵan qamqorlyǵyńyz úshin rızashy­ly­ǵymyzdy bildirip, rahmet aıtamyz!” delingen ShQO-nyń Tarbaǵataı aýdany turǵyndary atynan 11 adam qol qoıǵan hatta. Sondaı-aq Shyǵys Qazaqstan­nyń Zaısan aýdanynan kelgen, 12 adam qol qoıǵan hatta “Tabıǵattyń sırek kezdesetin tosyn apatty jaǵ­daıynda, qurmetti Nursultan Ábish­uly, ózińizdiń tapsyr­mańyz­ben el Úkimeti halyqqa kómekke keldi. Arnaýly qorlar ashylyp, búkil respýb­lıkanyń qoldaýy, barsha aǵaıynnyń nazary tasqyn sýdyń azabyn tartqan jurtqa aýdaryldy. Úıi múlde turýǵa jara­maı qalǵandarǵa memleket baspana salyp beretin boldy. Sondyqtan apatqa ushyraǵan aýdan­nyń biri – qadyr-qut daryǵan kıeli de qa­sıet­­ti Zaısan óńiriniń jurty aty­nan Sizge myń márte rızashy­ly­ǵy­­myzdy, alǵys sezimimizdi bil­di­re­miz. Qurmetti Nursultan Ábish­uly, ózińizge joldaǵan shynaıy alǵy­symyzdy qabyl alyńyz!” – dep jazady Shilikti aýyldyq okrý­gi Tasbastaý aýylynyń turǵyndary.