Osy máseleni Memleket basshysy Qasym-Jomart Toqaev bıylǵy Qazaqstan halqyna Joldaýynda da aıryqsha atap ótti. «Bizge azamattardyń quqyǵyn zamanaýı turǵydan qorǵaýdy qamtamasyz etetin jáne joǵary halyqaralyq talaptarǵa jaýap beretin úlgi kerek», dedi Prezıdent. Endigi másele Memleket basshysy alǵa qoıǵan jumystardy júıeli júzege asyrý bolyp otyr.
– Prezıdentimiz Qasym-Jomart Toqaev 1 qyrkúıekte Qazaqstan halqyna Joldaýyn jarııalady. Joldaý óte mańyzdy. Ásirese halyqty áleýmettik qoldaý jaǵynan. Prezıdent kótergen taǵy bir másele – adam quqyǵy. Ony qorǵaýdy ári qaraı kúsheıtý. Jalpy, táýelsizdik jyldary qoǵamdyq tártipti kúsheıtý, adamnyń quqyǵyn qorǵaý jolynda satyly túrde jumystar jasalýda. Atqarǵan jumystar týraly osy jerde birneshe ret baıandadyq, – dedi M.Ahmetjanov.
Onyń aıtýynsha, Prezıdenttiń byltyrǵy Joldaýyna sáıkes, adam ómiri men densaýlyǵyna asa qaýipti qasaqana qylmystar úshin jaza kúsheıtildi. Atap aıtsaq, adam óltirý, zorlaý, pedofılder, ekstremıster, kánigi urylar, brakonerler, esirtki taratý úshin jaza qatańdady. Bul ózgerister jeltoqsan aıynda Parlament qabyldaǵan zańda oryn tapty. Zańdaǵy túzetýler nátıjesinde el ishinde tártip nyǵaıyp, qylmys sany azaıa tústi. Prezıdenttiń byltyrǵy Joldaýynda qabyldanǵan sharalar nátıjesinde elimizde tirkelgen qylmystyq zań buzýshylyqtardyń sany kemipti. Bıyl segiz aıda ótken jyldyń osy merzimimen salystyrǵanda jasalǵan qylmystyq zań buzýshylyqtar sany 35%-ǵa (byltyr – 174 myń, bıyl – 113,6 myń) azaıyp otyr.
Baspasóz máslıhaty barysynda M.Ahmetjanov BAQ ókilderine aldaǵy atqarylatyn jumys josparlarymen bólisti. Bul jumystarda basty nazar Prezıdent atap ótkendeı, zańdylyq pen ádilettilikti sózsiz qamtamasyz etýge baǵyttalatyn bolady.
