Kelissózder barysynda syrtqy saıası vedomstvolardyń basshylary saıası, ekonomıkalyq, tranzıt-kóliktik salalardaǵy qazaqstan-reseı yntymaqtastyǵynyń qazirgi jaǵdaıy men damý perspektıvalaryn, TMD, EAEO, UQShU, ShYU jáne AО́SShK sııaqty halyqaralyq uıymdar men óńirlik ıntegrasııalyq birlestikter aıasyndaǵy eki eldiń ózara is-qımylyn talqylady.
Kelissózderdiń negizgi taqyryptary - halyqaralyq kún tártibindegi ózekti máseleler, onyń ishinde jahandyq jáne óńirlik qaýipsizdikti qamtamasyz etý.
Taraptar sondaı-aq osy jyldyń sońyna deıin josparlanǵan asa joǵary jáne joǵary deńgeıdegi ekijaqty jáne kópjaqty is-sharalardy daıyndaý máselelerin talqylady.
Kezdesý qorytyndysy boıynsha 2000 jylǵy 9 qazandaǵy Astrahan qalasynda Qazaqstan Respýblıkasynyń konsýldyǵyn jáne Oral qalasynda Reseı Federasııasynyń konsýldyǵyn ashý týraly úkimetaralyq kelisimge Hattamaǵa qol qoıyldy.
Qujatqa sáıkes Astrahandaǵy QR konsýldyǵy Astrahan, Volgograd, Orynbor, Samara jáne Saratov oblystarynyń aýmaqtaryn qamtıtyn Bas konsýldyqqa aınalady.
