Rýhanııat • 11 Qyrkúıek, 2020

Evolıýsııalyq damý mańyzdy

55 ret kórsetildi

Almatyda Dostyq úıine jınalǵan respýblıkalyq etnomádenı birlestikterdiń ókilderi Qazaqstan halqy Assambleıasy Tóraǵasynyń orynbasary Janseıit Túımebaevtyń qatysýymen Memleket basshysynyń «Jańa jaǵdaıdaǵy Qazaqstan: is-qımyl kezeńi» Joldaýyn iske asyrý máselelerin talqylady.

Joldaýdaǵy negizgi basym­dyqtardy taldaı otyryp J.Túımebaev eldegi jaǵdaıdyń naq­ty jáne egjeı-tegjeıli tal­danýy men ekonomıkalyq-áleý­mettik salalardaǵy, mem­le­kettik basqarý, qarjy salasyndaǵy damýdy tejeıtin sebepterge, reformalar barysyna toqtalyp, «Áleýmettik-ekonomıkalyq da­mýymyzdy sapaly deńgeıge jetkizý áleýmettik ádilettilik, tıimdilik pen básekege qabi­let­tilikke negizdelgen», dep atap ótti.

Búginde qoǵamdyq ómirdiń barlyq salasy tereń refor­malaýdy qajet etedi. Zań­nyń ústemdigi, adam men aza­mat­tyń quqyqtaryn saqtaý memlekettik basqarýdyń jańa modeli arqyly júzege asyrylady. «Halyq únine qulaq asatyn memleket» modeli basqarý isine azamattardyń aralasýymen júzege asatyn bolady. Joldaýda strategııalyq ba­sym­dyqtarmen sabaqtasa kele «Ulttyń jańa sapasyna» ba­rynsha kóńil bólinip otyr. «Rýhanı jańǵyrý» baǵdar­la­masynyń jalǵasyna aınala otyryp, qoǵamdyq sana­ny jańǵyrtýdyń jańa basym­dyq­tary «jaýapty memleket – jaýapty qoǵam – jaýapty adamnyń ómirinde kórinis beretin bolady. Dál osy reformalardyń sınergııasy revolıýsııalyq tıimdilikke qol jetkizbek. Jol­daýdaǵy maqsattarǵa jetý – qoǵamdyq kelisim men jalpy­ulttyq birlik, sonymen qatar turaqty Qazaqstandy qurýdyń negizi. Árqaısymyz aldaǵy re­formalardyń qurylymdyq kúrdeliligi men tereńdigi úshin Qazaqstannyń revolıýsııalyq emes, birmándi evolıýsııalyq da­mýy qajet ekenin túsinýimiz kerek», dep atap ótti Qazaq­stan halqy Assambleıasy  Tór­aǵasynyń orynbasary.

Odan ári qaraı J.Túımebaev Memleket basshysynyń tapsyrmasymen etnosaralyq qa­ty­nastar salasyndaǵy memle­kettik saıasat tıimdiligin arttyrý boıynsha birqatar sharalar qabyldanǵanyn atap ótip, res­pýblıkalyq etnomádenı bir­les­tikterdiń basshylarynan óz birlestikteriniń belsen­dilerimen kezdesýler ótkizýdi, Joldaýdy túsindirýge jáne iske asyrýǵa qatysý máselelerin talqylaýdy tapsyrdy. Osy oraıda etnostyq buqaralyq aqparat quraldarynyń resýrs­tary osy qyzmetke barynsha belsendi atsalysýy tıis. Etno­mádenı birlestikter halyqty shaǵynbıznes negizderine oqytý salasynda jobalar ázirlep, júzege asyrýy da ýaqyt kúttir­meıdi. Qazirdiń ózinde etno­mádenı birlestikterde birqatar ba­ǵytty uıymdastyrý qajet. Aýylda ómir súrý sapa­syn jáne jumyspen qamtý­dy jaqsartý aıasynda «Ár aýyl­dyń óz sheberleri» oqytý jo­basy jos­parlanyp otyrsa, «Otbasylyq bıznes –  ál-aý­qat negizi» jobalary da je­til­diriletin bolady. Sonymen qatar kópultty otbasylar boıynsha joba júzege asyrylady.

Atalǵan jıynda ma­ńyz­dy qujat júktegen mindet­terdi júzege asyrýǵa baılanys­ty Aqparat jáne qoǵam­dyq da­mý vıse-mınıstri M.Ázil­ha­nov, Parlament Májilisi Tór­­aǵa­­synyń orynbasa­ry V.Boj­­ko, Májilis de­pýtat­­tary A.Mý­radov, Iý.Tımo­shenko, Sh.Ný­rýmov, sondaı-aq etnobir­les­tik­terdiń jetekshileri sóz sóıledi.

Sońǵy jańalyqtar

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar