Endi qaýipti derttiń shyrmaýynda qalyp, tynysy tarylyp jatqan azamattarǵa jasandy dem beretin apparattyń kómeginsiz-aq aıyǵyp shyǵýǵa múmkindik týdy. Zertteýler nátıjesine sáıkes, koronavırýspen aýyratyn elý naýqastyń bireýi ǵana gelıı-ottegi qospasymen dem alǵannan keıin jasandy jeldetýdi qajet etti. Bul týraly Reseıdiń ımmýnologtar ǵylymı qoǵamynyń prezıdenti, Reseı ǵylym akademııasy Oral fılıalynyń ımmýnologııa jáne fızıologııa ınstıtýtynyń ǵylymı dırektory Valerıı Chereshnev málimdedi.
Pnevmonııanyń asqynyp, tynys alý beti kúrt tómendegende, 90-95 gradýsqa deıin qyzdyrylǵan gelıı-ottegi qospasynyń áseri jasandy jeldetýden edáýir asyp túsedi. Osy júıe Komıdegi respýblıkalyq aýrýhananyń bazasynda 50 adamǵa synaq retinde qoldanylypty. Nátıjesinde, 50-diń ishinen tek 1 adamdy ǵana jasandy tynys beretin apparatqa qaıta qosqan. Sóıtip Syktyvkardaǵy respýblıkalyq aýrýhanada ustaý tájirıbesi oń nátıje berdi.
Dárigerlerdiń aıtýynsha mıkrobıologter bastapqyda osyndaı ıngalıasııa kezinde qoldanylǵan qondyrǵylardy jetildirip, dem shyǵaratyn aýanyń bólek júıelerin jasaýǵa sheshim qabyldady. Qazir ony jappaı óndiriske jiberý jaǵy qarastyrylyp jatyr.
