"Halyqaralyq qoǵamdastyq pen Dúnıejúzilik densaýlyq saqtaý uıymynyń qoldaýymen, biz ózge eldermen yntymaqtasa otyryp COVID-19 qarsy kúresti jalǵastyramyz. Qazir Qazaqstandaǵy jaǵdaı turaqtaldy, al koronavırýs ınfeksııasy qaıta órshıtin bolsa, arnaıy jospar ázirledik. Máselen, naýqastardy tósek-oryn, qajetti dárilik preparat jáne basqa da resýrstarmen qamtamasyz etý. Otandyq dárigerler halyqqa kómek kórsetýge daıyn", dedi A.Soı.
Eýropa aımaǵyndaǵy DDU-ǵa múshe 53 memlekettiń densaýlyq saqtaý mınıstrleri men ózge de joǵary laýazymdy azamattar, sondaı-aq seriktes uıymdar men azamattyq qoǵam ókilderi eki kún boıy densaýlyq saqtaý salasyndaǵy túrli máseleni talqylaıdy. Qysqartylǵan sessııanyń kún tártibindegi negizgi taqyryptardyń biri: aımaqtaǵy jáne álemdegi COVID-19 pandemııasyna qarsy is-qımyl men tájirıbe jáne 2020-2025 jyldarǵa arnalǵan densaýlyq saqtaýdy jaqsartýǵa baǵyttalǵan jańa Eýropalyq baǵdarlama.
