Qoǵam • 14 Qyrkúıek, 2020

Qazaqstan men Slovakııa arasyndaǵy ǵylymı yntymaqtastyq nyǵaıa beredi

10 ret kórsetildi

Bratıslavada Qazaqstan Respýblıkasy Ulttyq ǵylym akademııasy men Slovak ǵylym akademııasy arasyndaǵy ǵylymı yntymaqtastyq týraly kelisimge qol qoıý rásimi ótti. Qazaqstandyq taraptan qujatqa Qazaqstan Respýblıkasy Ulttyq ǵylym akademııasynyń prezıdenti Murat Jýrınov, Slovakııa jaǵynan SǴA prezıdenti − Pavol Shaıgalık qol qoıdy, dep habarlaıdy Egemen.kz SIM baspasóz qyzmetine silteme jasap.

Kelisimniń jasalýy Qazaqstan men Slovakııanyń ǵylymı qoǵamdary arasyndaǵy yntymaqtastyqty nyǵaıtýǵa, sonyń ishinde irgeli jáne qoldanbaly zertteýler salasynda ár túrli baǵytta birlesken zertteýler júrgizýge, PhD deńgeıinde oqý jáne qazaqstandyq ǵylymı qaýymdastyqtyń ókilderine postdoktorantýrada jumys isteýge múmkindik beredi.

Kelisim sheńberindegi yntymaqtastyq jónindegi perspektıvalyq is-sharalar birlesken jobalar, jobalyq qoldaý negizinde ǵylymı-zertteý qyzmeti men ǵalymdarmen almasý túrinde júzege asyrylady.

Eki ǵylym akademııasy arasynda kelisim jasasý ıdeıasy aldymen Qazaqstannyń Slovakııadaǵy Elshisi Roman Vasılenko men SǴA prezıdenti P. Shaıgalıktiń aǵymdaǵy jyldyń 19 mamyrynda bolǵan kezdesýinde talqylandy. 

«Biz bul kelisimge qol qoıý qoınaýynda Mendeleevtiń búkil perıodtyq júıesi bar Qazaqstannyń ǵylymı jáne ekonomıkalyq áleýetiniń arqasynda bolashaǵy zor yntymaqtastyq jolyndaǵy tek alǵashqy qadam dep sanaımyz», − dedi P. Shaıgalık. «Koronavırýs pandemııasy saldarynan týyndaǵan shekteýler alynyp tastalǵannan keıin, alǵashqy múmkindik paıda bolǵan sátte júzbe-júz kezdesýlerimizdi qýana uıymdastyratyn bolamyz». 

О́z kezeginde Qazaqstannyń Slovakııadaǵy Elshisi Roman Vasılenko, «Men, akademııalardyń basshylaryn, Murat Jýrınov pen Pavol Shaıgalıkti, eki eldiń ǵylymı qoǵamdastyǵyn osy mańyzdy qadammen shyn júrekten quttyqtaǵym keledi», - dep atap ótti. «Ádette, ǵylym adamdary óziniń is-áreketterinde jyldamdyqty qalamaı, irgeli jáne baısaldy sheshim qabyldaıdy. Biraq eki ǵylym akademııasynyń kelisim jasaý týraly sheshim qabyldaýy men ony túbegeıli jáne sapaly túrde daıyndaý jyldamdyǵy bul mıfti joqqa shyǵaryp, tereń qurmet sezimin týdyryp, bizge laıyqty úlgi boldy. Men yntymaqtastyqtyń ózi de budan ári dál osylaı tez, muqııat jáne ózara tıimdi negizde damıdy dep sengim keledi».

Slovak akademııasy quramynda ár túrli profıldegi 3 myńǵa jýyq qyzmetker jumys isteıtin 45 táýelsiz ǵylymı-zertteý ınstıtýttary bar. Akademııa bilim berý úrdisine belsendi qatysyp, onyń qabyrǵasynda 500-ge jýyq PhD doktoranttar oqýda, onyń ishinde 35 sheteldik azamat bar.

Qazirgi ýaqytta Eýropalyq Odaqtyń «Horizon-2020» baǵdarlamasy aıasynda Slovak Ǵylym Akademııasynyń Geotehnıka ınstıtýty men Nazarbaev Ýnıversıtetiniń Janý máseleleri ınstıtýty arasynda nanoporozdy jáne nanoqurylymdyq materıaldardy medısınalyq salada qoldaný jobasy boıynsha ǵylymı yntymaqtastyq júzege asyrylýda.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar