Qazaqstandyq dıplomat Chakoves qalasynyń qalalyq zıratynda keńes jaýyngerleriniń baýyrlas beıitinde qaza bolǵan jaýyngerler men fashızm qurbandaryna arnalǵan Monýmentke gúl shoqtaryn qoıdy. Bul jerde Iýgoslavııany fashısttik basqynshylardan azat etý úshin shaıqastarda qaza tapqan qazaqstandyqtar jerlengen. Rásimge qatysýshylar qaza bolǵan jaýyngerlerdi bir mınýt únsizdikpen eske aldy.
Elshi Shtrıgovo aýylyndaǵy Beıbitshilik jáne dostyq saıabaǵynyń negizin salý rásimine de qatysty. Ol jerde keńes jaýyngerlerin eske alý Memorıaly salynady. Is-sharaǵa qatysýshylar monýmenttiń negizine Qazaqstan men Reseı elshileri, jergilikti mýnısıpalıtet jáne Eske alý qaýymdastyǵy basshylary qol qoıǵan bolashaq urpaqqa arnalǵan Joldaýymen kapsýla saldy. Memorıaldyń resmı ashylýy 2021 jyldyń sáýir aıyna josparlanǵan.
Rásim barysynda sóz sóılegen T.Barlybaev Qazaqstannyń fashızmdi jeńýge qosqan úlesi týraly aıtyp berdi. Iýgoslavııany azat etkeni úshin shaıqastarda qazaqstandyq jaýyngerlerdiń erlikteri atap ótildi, olardyń kópshiligi urys dalalarynda qaza tapty. Horvatııanyń Eske alý qaýymdastyǵynyń basshylyǵymen horvatııa aýmaǵynda jerlengen qazaqstandyqtardyń máıitterin izdeý jáne jeke basyn anyqtaý boıynsha jumysty jalǵastyrý týraly ýaǵdalastyqqa qol jetkizildi.
1945 jylǵy sáýirde Horvatııanyń soltústigindegi Medjımýr jýpanııa aýdanynda Qyzyl Armııanyń Vena strategııalyq shabýyldaý operasııasy aıasynda 3-shi Ýkraın frontynyń fashıstermen qııan-keski shaıqastary ótti.
