Mereıtoı qarsańynda 2 rýbl nomınalyndaǵy kúmis monetany 7 qyrkúıekte Reseı banki 3 myń danamen shyǵardy. «Reseıdiń kórnekti tulǵalary» serııasymen basylǵan moneta «Jazýshy I.A.Býnın, týǵanyna 150 jyl tolýyna oraı» dep atalady. Aıta keteıik, bul ıgi bastama Býnınniń týǵan kúnine, ıaǵnı 22 qazanǵa deıin jasalyp otyr.
Monetada aǵashtar fonyndaǵy Býnınniń bederli portreti salynǵan. Al portrettiń oń jaǵyna alma aǵashynyń butaqtary beınelipti. Tómende qalamgerdiń qoly men ómir súrgen jyldary kórsetilgen.
Barlyǵy úsh myń danamen shyǵarylǵan monetadaǵy kúmistiń taza salmaǵy – 15,55 g, qorytpa úlgisi – 925.
