Kásipkerler palatasynyń Atyraý oblysyndaǵy О́ńirlik keńesiniń birinshi otyrysynda Ulttyq kásipkerler palatasy prezıdıýmynyń tóraǵasy Tımýr Qulybaev bıznesmendermen óńirdi damytýdyń keleshegine qatysty óz pikirlerimen bólisti.
Kásipkerler palatasynyń Atyraý oblysyndaǵy О́ńirlik keńesiniń birinshi otyrysynda Ulttyq kásipkerler palatasy prezıdıýmynyń tóraǵasy Tımýr Qulybaev bıznesmendermen óńirdi damytýdyń keleshegine qatysty óz pikirlerimen bólisti.
«Biz Atyraý oblysynyń erekshe rólin eskeremiz. О́ńirde elimizdiń IJО́-siniń 10 paıyzdan astamy óndiriledi. Osy óńirde «Qashaǵan» ken orny óndirisin esepke alǵanda munaıdyń jartysyna jýyǵy óndiriledi. О́te mańyzdy óńir, óńirdiń bıznesi de belsendi. Meniń málimetterim boıynsha, ShOB salasyna 90 myńǵa shamalas adam qamtylǵan. Halyq sany esebine shaqqanda, bul – óte jaqsy kórsetkish», – dedi Tımýr Qulybaev.
UKP prezıdıýmynyń Tóraǵasy Atyraý oblysy ákimdiginiń munaı-gaz sektoryndaǵy kompanııalarǵa taýarlar óndirý men qyzmet kórsetýge óńirdiń ShOB ókilderin tartý úshin jer qoınaýyn paıdalanýshylarmen belsendi jumys júrgizip otyrǵanyn atap ótti.
«Degenmen, Atyraý oblysynda ekonomıkanyń basqa sektorlarynyń da keleshegi bar ekenin kórip otyrmyz. Mysaly, aldaǵy ýaqytta damıtyn munaı-hımııa klasteri. Bul negizgi munaı-hımııa ónimderin; polıpropılen, polıetılen, býtadıen óndirýge múmkindik jasaıdy. Sonymen qatar, Atyraý oblysynyń halqynyń jartysynan astamy aýyldy aımaqta turady. Aýylsharýashylyq ónimderiniń óndirisi men olardy qaıta óńdeýdi jolǵa qoıý úshin bizdiń múmkindikterimizdi «QazAgro» jáne basqa da damý ınstıtýttarymen úılestirý qajet», – dedi Tımýr Qulybaev.
UKP prezıdıýmynyń tóraǵasy óz sózinde Qazaqstan bıznesmenderiniń kásipkerlikti damytýǵa baǵyttalǵan barlyq baǵdarlamalar jaıynda tolyq aqparattandyrylyp otyrýy jolynda Palata mamandarynyń barynsha kúsh salatynyn da aıtty.
«Memleket qandaı qoldaý kórsetýge daıyn ekeni, qandaı quraldar bar ekeni týraly kásipkerlerdi aqparattandyryp otyramyz. Bıznesmenderdiń ózderin senimdi sezinýine, ártúrli jobalarǵa ınvestısııalyq qarajattar salýyna qoldan kelgenniń barlyǵyn jasaımyz», – dedi sóz sońynda Tımýr Qulybaev.
