Shilde aıynyń qorytyndysy boıynsha halyqqa medısınalyq kómek kórsetý kezinde 67 myńnan astam túrli kemshilik anyqtaldy, medısınalyq uıymdarǵa salynǵan aıyppul somasy 240 mln teńgeden asty.
"TMKKK jáne MÁMS paketteri boıynsha Qor jetkizýshileri halyqqa kórsetken medısınalyq qyzmetter úshin aqy tóleý osy qyzmetterdiń sapasy men kólemine monıtorıng júrgizilgennen keıin ǵana júrgiziletinin atap ótken jón. Is júzinde kórsetilgen jáne medısınalyq kómek kórsetý standarttary men erejelerin, sondaı - aq klınıkalyq hattamalardyń usynymdaryn saqtaı otyryp, qujatpen rastalǵan qyzmetterge aqy tólenedi", dep atap ótti Qorda.
Anyqtalǵan kemshiliktiń eń kóp sany jan basyna shaqqandaǵy normatıvke kirmeıtin, árbir qyzmet jeke tólenetin konsýltasııalyq-dıagnostıkalyq qyzmetterdi kórsetýmen baılanysty. Áleýmettik medısınalyq saqtandyrý qorynyń sarapshylary jalpy quny 85,5 mln teńgeni quraıtyn 62 myńnan astam osyndaı kemshilik tirkedi. Sondaı-aq, ambýlatorııalyq-emhanalyq kómek kórsetý kezinde 1,9 myńǵa jýyq aqaý, táýlik boıy jumys isteıtin stasıonarlarda medısınalyq kómek kórsetý kezinde 1,7 myń fakti anyqtaldy.
Shilde aıynda qor sarapshylary naqty kórsetilmegen qyzmetterdiń 2 myńnan astam jaǵdaıyn anyqtady, olar pasıentter alǵan bolyp aqparattyq júıelerge engizilgen. Osyndaı jaǵdaılar boıynsha anyqtalǵan buzýshylyqtar úshin medısınalyq uıymdarǵa 16,2 mln teńgege aıyppul salyndy.
О́ńirler arasynda kemshilik faktileri Qostanaı, Almaty oblystarynda, Almaty qalasynda jıi kezdesedi, Pavlodar, Jambyl, Aqmola oblystarynda kemshilik eń az anyqtalǵan.
"Túrli memlekettik bazalardan derekterdi biriktirý jáne IT quraldaryn qoldný, osy derekterdi óńdeý monıtorınginiń sapasyn aıtarlyqtaı arttyrady. Bul adamı faktordy azaıtýǵa múmkindik beredi. Qazir Qor ártúrli AJ men regıstrlerdiń derekterin bir alańda ıntegrasııalaý arqyly medısınalyq qyzmetterdiń sapasy men kóleminiń tolassyz monıtorıngin AJ-de qurý boıynsha jumys júrgizýde. Bul monıtorıng prosesin barynsha avtomattandyrýǵa múmkindik beredi", dep túsindirdi ÁMSQ medısınalyq kómek kórsetý sapasynyń monıtorıngteý departamentinde.
Áleýmettik medısınalyq saqtandyrý qory "Halyq tarapynan qoǵamdyq baqylaý, bir jaǵynan Qorǵa buzýshylyqtardy anyqtaýǵa kómektesedi, ekinshi jaǵynan medısınalyq uıymdardy tártipke keltiredi. Sondyqtan biz qazaqstandyqtardy óz derekterin mobıldi qosymshalarda tekserýge jáne sáıkessizdikter anyqtalǵan jaǵdaıda Qorǵa nemese Qordyń fılıaldaryna habarlaýǵa shaqyramyz", dep atap ótti.
