Elorda • 17 Qyrkúıek, 2020

Nur-Sultanda gaz tarıfi bekitildi

30 ret kórsetildi

Nur-Sultanda gaz tarıfi bekitildi. Eger buryn gazdyń tekshe metri 60 teńge bolsa, ákimdik ortalyq ýákiletti organdarmen birge aqshany únemdeý maqsatynda ony tómendetý boıynsha aýqymdy jumys júrgizdi, dep habarlaıdy Egemen.kz elorda ákimdigine silteme jasap.

Osylaısha, gazdyń tekshe metriniń baǵasy 45 teńgege deıin tómendetildi. Elorda ákimi Altaı Kólginov qoǵamdyq keńes múshelerimen kezdesýde gaz júrgizý barysy, uzaqqa sozylǵan nysandar qurylysy, turǵyn aýdandarda júrgizilip jatqan jumystar, áleýmettik mańyzy bar taýarlar baǵasyn turaqtandyrý ​​sharalary jáne qalanyń damýy týraly aıtty.

Osylaısha, elorda turǵyn aýdandarynda kvartalishilik gazben jabdyqtaý jelilerin salý boıynsha aýqymdy jumys júrgizilýde. Mysaly, Jeleznodorojnyı turǵyn alabynda 100%, Promyshlennyı jáne Kóktal-2 turǵyn alaptarynda 95%, Kóktal-1 turǵyn alabynda 80% gaz taratý jelileri tartylǵan. Bul jumystar Agroqalashyq, Ońtústik-Shyǵys turǵyn alaptarynda da júzege asyrylady. Atalǵan turǵyn aýdandar halqy, sondaı-aq Agroqalashyq turǵyn alabynyń bir bóligi aldaǵy jylytý maýsymynda úılerin gazben jylytady. Ol úshin turǵyndar úılerdi gazǵa qosýdyń tehnıkalyq sharttaryn alýǵa front-keńselerge habarlasýy kerek. Jeke sektor turǵyndary úshin ákimdik eseptegishterdi tegin usynady.

1

"Elordany gazdandyrý – Elbasynyń tarıhı jobasy. "Saryarqa" gaz qubyrynyń ońtústik aımaqtan elordaǵa deıin 1000 shaqyrymnan astam joly tartyldy. Bul óte úlken jumys, jobaǵa mıllıardtaǵan qarajat quıyldy, ol ýaqyt óte kele qaıtarylýy kerek. Gazdandyrý qorshaǵan ortany jaqsartýǵa ǵana emes, turǵyndardyń densaýlyǵyna paıdaly áser etedi, sonymen qatar jeke sektor turǵyndarynyń ómir súrý jaǵdaılaryn aıtarlyqtaı jeńildetedi. Aqyr sońynda, uzaq qys aılarynda birneshe saǵat saıyn úıdi jylytýdyń, kómir túsirip, ony saqtaýdyń qajeti bolmaıdy. Adamdar kómirtegi totyǵymen ýlanǵan jaǵdaılar boldy. Bul máselelerdiń barlyǵy sheshimin tabady. Gaz kómirge qaraǵanda salystyrmaly túrde qymbat, biraq onyń artyqshylyǵy kóp, eń aldymen bul qaýipsiz otyn túri. Sonymen qatar bıyl biz JEO-1 jáne JEO-2-de birqatar qazandyqtardy gazǵa aýystyrýdy josparlap otyrmyz. Gazdandyrý prosesi úsh kezeńge bólinedi, kezeń-kezeńimen barlyq turǵyn aýdandar gazǵa qosylady. Bul másele Memleket basshysynyń baqylaýynda", dedi elorda ákimi Altaı Kólginov.

1

Sonymen qatar qoǵamdyq keńes músheleri elordany gazdandyrýdyń mańyzyn atap ótti.

"Gaz tartylǵan óńirler turǵyndary gazdandyrý jeke sektor turǵyndarynyń ómirin qanshalyqty jeńildetetinin jaqsy biledi. Aýa tazarady. Qazir qalada zııandy tútinmen dem alyp jatyrmyz. Gazdandyrý zııandy zattardyń atmosferaǵa enýin 40 myń tonnaǵa azaıtýǵa múmkindik beredi", deıdi olar.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar