Sáýlet jáne qala qurylysy basqarmasynyń basshysy Arman Ábdeshov: "Sol mańaıdaǵy jaǵajaı men jasandy sarqyrama jobasy da qolǵa alynǵan. Jospar boıynsha ondaǵy demalýshylar úshin qoıylatyn oryndyqtar ulttyq naqyshta bezendiriledi. "Biz birgemiz" monýmenti de shahardyń maqtanyshyna aınalýy tıis. Joba óz qurylymymen eldegi birlik pen tatýlyqty áspetteıdi", deıdi ol.
Qýantarlyǵy, monýment koronavırýspen kúresken azamattarǵa arnap ornatylyp jatyr. Kópfıgýraly kompozısııanyń qaq ortasynda jer shary ornalasqan. Túrli mamandyq ıeleriniń músinderi ony qol ustasa aınaldyryp tur. Keshen de, monýment te ulttyq naqyshta oryndalady.
Jıynda oblys ákimine О́ner úıi, Jastar ortalyǵy, Asa yqshamaýdanynda salynatyn alleıalar jobalary da kórsetildi. Jergilikti sáýletshiler jospardy ózge qalalardaǵy tájirıbege súıene otyryp ázirlegen.
Sáýlet jáne qala qurylysy basqarmasynyń basshysy Abaı men Jambyl dańǵyldary birshama ózgeretinin jetkizdi.
"Ár ǵımarat biregeı bolýy kerek. Biraq ózara úılesim de eskerilgeni jón. Eń birinshi kezekte saýatsyz jarnama ilingen qalqandar, bılbordtardy joıý kerek. Ruqsat etilmegen jerde nysan salyp jatqan kásipkerlerdi jaýapkershilikke tartý kerek", dep talap qoıdy Berdibek Saparbaev.
