Aımaqtar • 17 Qyrkúıek, 2020

Jambyl oblysynda jedel járdem shaqyrtý azaıǵan

18 ret kórsetildi

Búginde Jambyl oblystyq jedel medısınalyq járdem stansasynda táýligine oblys boıynsha 93 jedel járdem brıgadasy qyzmet kórsetýde, dep habarlaıdy Egemen.kz.

Onyń ishinde Taraz qalasy boıynsha 43 brıgada shaqyrtýlarǵa shyǵady. Jedel járdem brıgadalary medısınalyq qyzmetkerlermen tolyq qamtamasyz etilgen. Koronavırýstyń birinshi tolqyny kezinde táýligine 2000-nan asa shaqyrtýlar bolǵan. Biraq, shaqyrtýlarǵa keshigýlerdi azaıtý maqsatynda qosymsha arnaıy 5 mobıldi brıgada medısınalyq qyzmet kórsetken. Al, oblystyq densaýlyq saqtaý basqarmasynyń málimetinshe, qazir aımaqta jedel járdem shaqyrtýlarynyń táýliktik sany 1200-1300-ge deıin azaıǵan.

Ekinshi tolqynǵa daıyndyq jumystaryn júrgizý maqsatynda búginde barlyq jedel járdem brıgadalary dári-dármektermen, qajetti qural-jabdyqtarmen jáne jeke qorǵanysh quraldarymen tolyq qamtamasyz etilgen.

Sondaı-aq, atalǵan basqarmadan qosymsha taǵy eki aılyq qorǵa bir rettik qoldanýǵa arnalǵan 60 myń dana obaǵa qarsy kostıýmder, 1000 dana  qorǵanysh kózildirikter, 100 myń dana medısınalyq qolǵaptar jáne 100 myń dana betperdelerge tapsyrystar berilgen. Oblystyq jedel járdem stansasynda búginde 135 sanıtarlyq avtokólik tirkelgen bolsa, onyń ishinde esepten shyǵarýǵa 65 kóliktiń qujattary berilgen. Endi qosymsha lızıng boıynsha jyl sońyna deıin taǵy 52 sanıtarlyq avtokólikter beriletin bolady.

 

Jambyl oblysy

Sońǵy jańalyqtar

Uqsas jańalyqtar