Aımaqtar • 17 Qyrkúıek, 2020

Shymkentte 100 jastaǵy ájeı indetten qulantaza aıyqty

157 ret kórsetildi

Shymkentte Dúısebekova Qyztaı óziniń júzinshi kúzin ınfeksııalyq aýrýhananyń dárigerlerimen birge qarsy aldy. Medısına qyzmetkerleri ájeıdi 100 jasqa tolǵan kúni aýrýhanadan shyǵardy, dep habarlaıdy Egemen.kz

Shymkent qalalyq Densaýlyq saqtaý basqarmasynyń málimetinshe, aǵymdaǵy jyldyń 7 qyrkúıeginde egde jastaǵy naýqas aýyr jaǵdaıda "Asar" shaǵynaýdanyndaǵy juqpaly aýrýlar ortalyǵyna jetkizilgen. Naýqastyń ókpesin tomografııalyq tekserýden ótkizgen dárigerler, ókpe tininiń 55%-ǵa zaqymdalǵanyn jáne sozylmaly asqazan-baýyr jarasy bar ekenin anyqtady.

Dárigerler naýqasty arnaıy bólimge jatqyzyp, vırýsqa qarsy terapııa júrgizdi. Júrgizilgen jumystar nátıjesinde Dúısebekova Qyztaı keselden qulantaza aıyǵyp, týǵan kúninde aýrýhanadan shyǵaryldy. Naýqas bilikti medısınalyq kómek pen durys kútim jasaǵany úshin dárigerlerge alǵysyn bildirdi.

1

"Ájemiz aýrýhanaǵa túsken kezde jaǵdaıy óte nashar edi. Naýqasqa tıisti em-dom sharalaryn júrgizýdiń nátıjesinde onyń densaýlyǵy kún sanap jaqsara tústi. Búgingi tańda naýqastyń jaǵdaıy birqalypty", deıdi dáriger Lázzat Tilenshına.

Sońǵy jańalyqtar

Uqsas jańalyqtar