Qalada COVID-19 vırýsymen aýyrǵan 14 328 jaǵdaı tirkeldi. Bir táýlik ishinde jańa 3 jaǵdaı anyqtaldy. Búgingi kúni 13 941 adam saýyǵyp shyqty, ıaǵnı 97,5 paıyzdy quraıdy. Koronavırýstan qaıtys bolǵan adamdar sany — 270 qurady.
"Búgingi tańda jaǵdaı turaqty dep baǵalanýda jáne COVID-19 vırýsyna qarsy kúres jónindegi qalalyq shtabtyń tolyq baqylaýynda. Jaǵdaıdy turaqtandyrý úshin biz júıeli sharalar keshenin qabyldadyq. Pandemııa jaǵdaıynda densaýlyq saqtaý júıesin basqarýdyń jańa modeli ázirlendi", dep habarlady K.Nadyrov. Qala boıynsha tósek-oryn qýaty 6211 tósek-orynǵa arnalǵan 27 kovıdtik klınıka jáne 250 reanımasııalyq klınıka daıyndaldy.
Qazirgi ýaqytta 1923 tósek-orynǵa arnalǵan 17 klınıka jumyldyryldy, rezervte 4288 oryn bar.
Túrksib aýdanynda 500 tósek oryndyq aýrýhanalar paıdalanýǵa berilýde, qazan aıynda 300 tósek oryndyq zamanaýı, jańa modýldi emhananyń qurylysy aıaqtalyp, paıdalanýǵa beriledi dep josparlanyp otyr. Sondaı-aq qýaty 215 tósek oryndyq eki jeke menshik emhananyń ashylýy aıaqtalý satysynda tur.
"Sońǵy úsh aıda ınfeksııalyq tósek-oryndar sany eki esege artty jáne 1 qazanǵa qaraı kovıdtik stasıonarlardyń tósek-oryndar syıymdylyǵy 7226 tósek-oryndy quraıdy. Epıdemııa báseńdep, tynyshtalǵan kezde klınıkalar jumysy toqtap qalmaıdy, olar shtattyq rejimde jumys istep, halyqqa túrli baǵytta medısınalyq kómek kórsetetin bolady", dep tolyqtyrdy Basqarma basshysy.
Odan ári ol qaladaǵy jaǵdaıdy turaqtandyrýǵa múmkindik bergen jasaqtalǵan júıeli sharalarǵa toqtaldy.
"COVID-19, JRVI, aýrýhanadan tys pnevmonııasy bar pasıentterge shuǵyl medısınalyq kómek kórsetý algorıtmi jetildirildi. Endi jedel járdem osy kategorııadaǵy pasıentterdi aýrýhanaǵa jatqyzýda jalǵyz mehanızm bolyp tabylady. О́zi ótinip kelgen naýqastardy jatqyzýǵa tyıym salynǵan", dedi K. Nadyrov.
Bul ınfeksııalyq aýrýhanalarǵa gospıtalızasııany ońtaılandyrýǵa múmkindik berdi. Shyǵýǵa qyzmet kórsetý kezinde úıdegi jedel járdem brıgadasy naýqastyń aýyrlyǵyn arnaıy ázirlengen baqylaý paraǵy boıynsha baǵalaıdy jáne naýqastyń jaǵdaıyna baılanysty ony aýrýhanaǵa jetkizedi. Bul rette stasıonarǵa, naýqas aýrýhanaǵa bara jatyp, KT-ǵa tekserý júrgiziledi. Ol úshin qalada barlyq qaýipsizdik sharalary qarastyrylǵan arnaıy KT ortalyqtary anyqtaldy (taza jáne las aǵyndarǵa bólý). Osylaısha, naýqas aýrýhanaǵa túsken kezde qolynda KT zertteý nátıjesi bar, bul terapııany qabyldaý kezinde birden bastaýǵa múmkindik beredi. Sondaı-aq qabyldaý kezinde PTR-test synaǵy alynady. Munyń barlyǵy TMKKK aıasynda tegin kórsetiledi. Sonymen birge K.Nadyrov rezerv qurý jáne COVID-19 jaǵdaıynda jumys isteý úshin mamandardy daıyndaý máselesine toqtaldy.
"Búgingi tańda aldyńǵy qatarda myńnan astam, onyń ishinde dárigerler, ortasha jáne kishi medısınalyq personalmen birge, basqa da qyzmetkerler bar. Dert órshigen kezde aldyńǵy shepte 4500-den astam medısına qyzmetkeri eńbek etti. Bizdiń tarapymyzdan 2515 qyzmetkerden kadrlyq rezerv jasaldy, olardyń ishinde dárigerler, ortasha jáne kishi medısınalyq personal bar", dep atap ótti K. Nadyrov.
