"Áleýmettik turǵyda álsiz jáne qysqarýǵa jatatyn memlekettik qyzmetshilerdiń qorǵalýyn qamtamasyz etý kerek. Qazirgi ýaqytta Eńbek kodeksine sáıkes jumystan aıaǵy aýyr áıelder, úsh jasqa deıingi balasy bar áıelder, jalǵyzbasty analar, bala tárbıelep otyrǵan basqa da adamdar, sonymen birge zeınet jasyna 2 jyl ýaqyt qalǵan adamdar qysqartylmaıdy", dedi Anar Jaıylǵanova OKQ-da ótken baspasóz máslıhatynda.
Onyń aıtýynsha osyǵan baılanysty memlekettik qyzmetshilerdiń joǵaryda atalǵan quqyqtarynyń qorǵalýyna baqylaý júrgiziledi.
"Sondaı-az memlekettik qyzmet týraly zańǵa sáıkes memlekettik qyzmette úsh jyldyq ótili bar adamdarǵa jumystan shyǵarda ortasha aılyqtyń tórt eselengen mólsheri beriledi. Bul norma tájirıbeli qyzmetkerlerdi júıede qaldyrýǵa yntalandyrýǵa baǵyttalǵan", dedi spıker.
Anar Jaıylǵanova memlekettik organdardyń basshylaryna jumystan qysqartý kezinde áleýmettik turǵyda az qamtylǵan azamattardy alyp qalýǵa keńes beriletinin jetkizdi.
