Dáriger mıkrotııa dıagnozymen týǵan balalarǵa kómektespek. Mıkrotııa – qulaq qalqanynyń damymaı qalýy nemese múlde bolmaýy 8000-10 000 balanyń arasynda 1 balada kezdesedi.
"Qazaqstanda osy dıagnozben týǵan balalar óte kóp. Biraq olarǵa eshqandaı kómek kórsetilmeıdi. Men olardyń qulaǵyna rekonstýrksııalyq ota jasaımyn. Qulaq qalqanyn balanyń óz qabyrǵa etinen jasap beremin. Ota 6 saǵatqa sozylady. Bundaı otalar Amerıkada 100 myń dollar, Eýropada – 60-70 myń dollar turady. Bizde qajetti lısenzııalar barlyǵy bar. Bizdegi ota quny 14 myń AQSh dollary bolady", dedi dáriger.
Qazir artrezııa (qulaq kanalynyń joq bolýy) jáne mıkrotııa dıagnozy bar Qazaqstandaǵy balalar shetelde emdelýge májbúr.
2018 jylǵy málimetke sáıkes, Qazaqstanda osyndaı dıagnozben 600 bala ómir súrip jatyr. Olardyń birazynyń bir jaq qulaǵy ǵana estıdi. QR DSM komıssııasy 66 balany shetelge emdelýge jibergen.
