Jastar jańashyldyqqa umtylady

– Memleket basshysy Qasym-Jomart Toqaev bıyl­ǵy Qazaqstan halqyna Jol­daýynda elimizdiń ekonomıkasyn órkendetý máselesine erekshe mán berip otyr. Sonyń ishinde eń mańyzdysy – ekonomıkany qazirgi jaǵdaı talabyna saı damytý. Bul oraıda shaǵyn jáne orta bıznesten bastap, óndiris saıasaty ekonomıkasyn damytýdyń negizgi 10 baǵyty bar. Onyń barlyǵy jańa ekonomıkalyq baǵyt bolyp esepteledi. Sonymen qatar biz mınıstrlikte basqarýshylyq keńesin qurdyq. Onyń quramyna bizden 3 ókil jáne sarapshylar qoǵamynan 3 ókil endi. Mundaǵy maqsat – bizde júrgizilip jatqan reformalar týraly esep berý jáne keri baılanys ornatý. Bul rette biz sarapshylar keńesine prezıdenttik jastar kadrlyq rezerviniń múshelerin de tartýdy kózdep otyrmyz, – dedi R.Dálenov.

Vedomstvo basshysy mem­le­ket­tik organdardyń negizgi qyzmetine toqtalyp, Prezıdent Joldaýyn iske asyrý baǵy­tyn­daǵy basym mindetterdi atady. Sondaı-aq mınıstr atal­ǵan vedomstvo qurylymyn jaq­sartý maqsatynda atqarylyp jat­qan jumystardy da atap ótti. Onyń aıtýynsha, aldaǵy ýaqytta korporatıvtik basqa­rýdy jetildirý jáne kvazımem­lekettik sektordy reformalaý boıynsha birqatar usynys ázirlenedi. Strategııalyq ınves­tısııalyq kelisim jasaýdyń jańa tetikterin engizip, ınves­tı­sııalyq jobalardy iske asyrýda qarjylaı jáne qarjysyz qoldaý sharalarynyń biryńǵaı pake­tin usyný kózdelýde. Bul rette mınıstr atalǵan jumys­tar­dy qolǵa alý kezinde zańna­ma­­lyq talaptardyń mańyzdy­ly­ǵyna mán berý qajet ekenin jetkizdi.

Aldaǵy ýaqytta pandemııadan zardap shekken shaǵyn jáne orta bıznesti qoldaý shara­lary áli de jalǵaspaq. «Bız­nestiń jol kartasy-2025» mem­lekettik baǵdarlamasynyń jańa baǵyty aıasynda shaǵyn jáne orta bızneske berilgen nesıeler boıynsha syıaqy mól­sherlemesi sýbsıdııalanatyn bolady.

Kelesi aýdıtorııada prezı­dent­tik jastar kadrlyq rezervi múshelerimen kezdesken Bilim jáne ǵylym mınıstri Ashat Aıma­ǵambetov eń aldymen osy sa­lada jasalyp jatqan ózgeris­terge toqtaldy.

– Prezıdenttik jastar kadr­lyq rezer­vinde kóptegen talantty jastar baryn bilemiz. Tipti olardyń jeteýi osy bilim salasynda eńbek etip jatyr. Bir­qatar jetistikteri de bar. Biz soǵan qýanamyz. Vedomstvoǵa qyz­metke kelgen kadrlyq rezerv­tiń músheleri ózindik oń ózgeris­terin qosa ala kelýde. Sonyń arqasynda bilim salasyna qa­tysty birneshe normatıvtik akti­lerge ózgerister men tolyq­tyrý­lar engizip úlgerdik. Mundaı jumystar vedomstvoda kóptep atqarylýda. Máse­len, Memleket basshysy Qasym-Jomart Toqaevtyń tapsyr­masy boıynsha elimizdi balabaq­shamen tolyqtaı qamtamasyz etýdi júıeli jolǵa qoıdyq. Bala­baq­shalardyń sanyna ǵana emes, sapasyna da jiti kóńil bóli­nýde. Eń bastysy, balasyn qaı balabaqshaǵa beretini týraly sheshimdi ata-ana ózi qabyldaı alady, – deıdi A.Aımaǵam-
betov.

Mınıstrdiń aıtýynsha, pandemııa jaǵdaıynda orta bilimniń sapasyn kemitip almaý da mańyzdy másele bolyp otyr. Qashyqtan oqytý bilim sapasyna kedergi keltirmeýi kerek. Kerisinshe, Memleket basshysy qashyqtan oqytýdy birdeılendirýdi, jetildirýdi tapsyrǵan bolatyn. Kún tártibinde turǵan kúrdeli másele – osy.

– Kelesi másele – joǵary bilim berý isi. О́zderińiz bile­tin­deı biz sapasy syn kóter­meıtin birqatar joǵary oqý oryn­darynyń lısenzııasyn qaı­taryp aldyq. Ondaı oqý oryn­darynda shákirt sapaly bilim ala almaıdy. Osy baǵyt­ta kúrmeýi sheshilmeı kele jatqan kúrdeli máselelerdiń bary da belgili. Endigi maqsat – ony júıeli túrde sheshý. Sony­men qatar elimizde ustazdyqqa umtylǵan jastar kóbeıip kele­di. Pedagogıka mamandyǵyn tańdaýshy túlekterdiń sany artyp otyr. Buǵan deıin el Pre­zıdentiniń tapsyrmasyna boıynsha pedagogterdiń mártebesi týraly zań qabyldanǵan edi. Atalǵan zań da óz jemisin berip keledi, – dedi vedomstvo basshysy.

Kezdesý sońynda prezı­dent­tik jastar kadrlyq rezerviniń músheleri el damýyna óz úles­terin qosýǵa daıar ekenderin jetkizip, altyn ýaqyttaryn qıyp kelgen vedomstvo basshylaryna alǵystaryn bildirdi.