Ekonomıka turaqtylyǵy zańmen retteledi

Bul týraly Memleket basshysy Qasym-Jomart Toqaev «Jańa jaǵdaı­da­ǵy Qazaqstan: is-qımyl kezeńi» atty Qazaqstan halqyna Joldaýynda da aıtty. «Qazirgi kúrdeli jaǵdaıda aldymyzda turǵan basty mindet – əleýmettik ekonomıkalyq turaqtylyqty, jumys oryndaryn jəne halyqtyń tabysyn saqtap qalý», dep memleket tara­pynan əleýmettik saladaǵy jəne ekonomıkany qoldaýǵa baǵyttalǵan barlyq min­det­temeler oryndalatynyn jetkizgen edi. Tipti, el Prezıdenti osy maqsatqa Ulttyq qordan 1 trıllıon teńge bóli­ne­tinin de aıtty.

Solaı bola tura elimizdegi mıkro­qar­jylyq qyzmetti júzege asyratyn uıymdardyń jumysyn retteý máselesi de ózektiligin joıǵan joq. Osy maqsatta elimizdiń keıbir normatıvtik-quqyqtyq akti­lerinde ózgerister oryn aldy. Máse­len, osy jyly 30 sáýirde Qarjy naryǵyn retteý jáne damytý agenttiginiń tóraǵasy Mádına Ábilqasymovanyń arnaıy qaýlysy da shyqty. Endeshe, 2003 jylǵy 4 shildedegi «Qarjy naryǵy men qarjy uıymdaryn memlekettik retteý, baqylaý jáne qadaǵalaý týraly», 2012 jylǵy 26 qarashadaǵy «Mıkroqarjylyq qyzmet týraly», 2013 jylǵy 15 sáýirdegi «Memlekettik kórsetiletin qyzmetter týraly», 2014 jylǵy 16 mamyrdaǵy «Ruq­sattar jáne habarlamalar týraly» Qazaq­stan Respýblıkasynyń zańdaryna, 2020 jylǵy 15 naýryzdaǵy №285 «Qazaqstan Respýblıkasynda tótenshe jaǵdaıdy engizý týraly», 2020 jylǵy 16 naýryzdaǵy №286 «Áleýmettik-ekono­mı­kalyq turaqtylyqty qamtamasyz etý jónindegi sharalar týraly» Qazaqstan Prezıdentiniń Jarlyqtaryna sáıkes Qazaqstan Respýblıkasy Qarjy nary­ǵyn retteý jáne damytý agenttigi bas­qar­masy bekitken qaýlyǵa zer sala­ıyq.

Eń aldymen, «Prýdensııalyq nor­ma­tıvterdi jáne mıkroqarjylyq qyz­metti júzege asyratyn uıymnyń saq­ta­ýy mindetti ózge de normalar men lımıtterdi, olardy esepteý ádistemesin bekitý týraly» Qazaqstan Respýblıkasy Ulttyq banki Basqarmasynyń 2019 jyl­ǵy 14 qarashadaǵy №192 qaý­ly­syna (Normatıvtik quqyqtyq akti­lerdi memlekettik tirkeý tizili­min­de № 19629 bolyp tirkelgen, 2019 jylǵy 27 qarashada Qazaqstan Res­pýb­lıkasynyń normatıvtik-quqyqtyq akti­leriniń etalondyq baqylaý ban­kin­de jarııalanǵan) mynadaı birqatar ózgeris engizildi. Máselen, kór­se­tilgen qaýlymen bekitilgen Prý­den­sııalyq normatıvterde jáne mık­ro­qar­jylyq qyzmetti júzege asyratyn uıymnyń saqtaýy mindetti ózge de normalar men lımıtterde, olardy esepteý ádistemesindegi 3 jáne 4-tarmaqtar redaksııalandy. 2020 jylǵy 1 qańtarǵa deıin qarjy naryǵyn jáne qarjy uıymdaryn retteý, baqylaý men qadaǵalaý jónindegi ýákiletti organda (budan ári – ýákiletti organ) eseptik tirkeýden ótkender úshin; bıylǵy 1 qańtarǵa deıin memlekettik tirkeýden ótken jáne óz qyzmetin Nur-Sultan, Almaty, Shymkent qalalarynda nemese oblys ortalyǵynda júzege asyratyn kredıttik seriktestikter úshin; osy jylǵy 1 qańtarǵa deıin memlekettik tirkeýden ótken jáne óz qyzmetin Nur-Sultan, Almaty, Shymkent qalalarynan nemese oblys ortalyqtarynan tys jerde júzege asyratyn kredıttik serik­tes­tikter úshin; bıylǵy 1 qańtarǵa deıin lombard retinde memlekettik tir­keýden ótken jáne Nur-Sultan, Almaty, Shymkent qalalarynda nemese oblys ortalyǵynda óz qyzmetin júzege asyratyndar úshin; 1 qańtarǵa deıin lombard retinde memlekettik tirkeýden ótken jáne Nur-Sultan, Almaty, Shymkent qalalarynan nemese oblys ortalyǵynan tys óz qyzmetin júzege asyratyndar úshin jarǵylyq kapıtaldyń eń tómengi mólsheri belgilendi.

Sondaı-aq 2020 jylǵy 1 qańtarǵa deıin ýákiletti organda eseptik tirkeýden ótkender úshin, kredıttik seriktestik retinde 2020 jylǵy 1 qańtarǵa deıin memlekettik tirkeýden ótken jáne óz qyzmetin Nur-Sultan, Almaty, Shym­kent qalalarynda nemese oblys ortalyqtarynda júzege asyratyn kredıttik seriktestikter úshin, kredıttik seriktestik retinde 2021 jylǵy 1 qań­tarǵa deıin memlekettik tirkeýden ótken jáne óz qyzmetin Nur-Sultan, Almaty, Shymkent qalalarynan nemese oblys ortalyǵynan tys jerde júzege asyratyn kredıttik seriktestikter úshin, 2020 jylǵy 1 qańtarǵa deıin lombard retinde memlekettik tirkeýden ótken jáne Nur-Sultan, Almaty, Shymkent qalalarynda nemese oblys ortalyqtarynda ornalasqandar úshin, 2020 jylǵy 1 qańtarǵa deıin lombard retinde memlekettik tirkeýden ótken jáne Nur-Sultan, Almaty, Shymkent qa­lalarynan nemese oblys orta­lyq­ta­ry­nan tys ornalasqandar úshin menshikti kapıtaldyń eń tómengi mólsheri anyqtaldy.

«Eseptik tirkeýden ótý úshin usy­nylatyn qujattar tizbesin qosa alǵan­da, mıkroqarjylyq qyzmetti júzege asyratyn uıymdardyń esep­tik tirkeýden ótý, sondaı-aq mıkroqarjylyq qyz­met­ti júzege asyratyn uıymdardyń tizi­limin júrgizý jáne tizilimnen shy­ǵarý qaǵıdalaryn bekitý týraly» Qa­zaq­­stan Respýblıkasynyń Qar­jy na­­ry­­ǵyn retteý jáne damytý agent­tigi basqarmasynyń 2020 jylǵy 24 naýryzdaǵy №21 qaýlysyna da (Nor­ma­tıvtik quqyqtyq aktilerdi mem­le­ket­tik tirkeý tiziliminde № 20163 bolyp tir­kelgen, 2020 jylǵy 25 naýryzda Qazaqstan Respýblıkasy normatıvtik quqyqtyq aktileriniń etalondyq baqy­laý bankinde jarııalanǵan) birqatar ózgeris enipti. Eseptik tirkeýden ótý úshin usynylatyn qujattar tizbesin qosa alǵanda, mıkroqarjylyq qyzmetti júzege asyratyn uıymdardyń eseptik tirkeýden ótý, sondaı-aq mıkroqarjylyq qyzmetti júzege asyratyn uıymdardyń tizilimin júrgizý jáne tizilimnen shyǵarý qaǵıdalaryndaǵy 3 jáne 4-tarmaqtar redaksııalandy.

Tótenshe jaǵdaı men karantındik sharalar aıaqtalǵanymen, el ekonomıkasy tolyq qalpyna keldi deı almaımyz. Sondyqtan engzilip otyrǵan bul túzetýler kásipkerlerdi daǵdarysqa uryndyrmaıdy dep senemiz.