Oslo qalasynda Qazaqstan Respýblıkasynyń Norvegııa Koroldigindegi Tótenshe jáne ókiletti elshisi Asqar Tájıev Norvegııa Koroli V Haraldqa Senim gramotasyn tapsyrdy, dep habarlady QR SIM-iniń baspasóz qyzmeti.
Oslo qalasynda Qazaqstan Respýblıkasynyń Norvegııa Koroldigindegi Tótenshe jáne ókiletti elshisi Asqar Tájıev Norvegııa Koroli V Haraldqa Senim gramotasyn tapsyrdy, dep habarlady QR SIM-iniń baspasóz qyzmeti.
Resmı saltanat barysynda Korol qazaqstandyq dıplomatty taǵaıyndaýmen quttyqtaı otyryp, kásibı dıplomatııa salasynda tabystar tiledi. Bul rette, memleketimizdiń damý perspektıvalaryn joǵary baǵalaı kele, ol Oslo qalasynda Qazaqstan elshiligi mártebesiniń kúsheıýine baılanysty rızashylyǵyn bildirdi.
О́z kezeginde, elshi Norvegııa monarhyn Qazaqstannyń áleýmettik-ekonomıkalyq damýy boıynsha aqparatpen tanystyryp, eki-jaqty yntymaqtastyqty, sonyń ishinde ǵylymı-tehnologııalyq, bilim berý jáne t.b. salalarda nyǵaıtýdyń múmkindikterin atap ótti.
Norvegııanyń mádenıet jáne sport salalaryn damytý boıynsha ártúrli qorlardy basqaryp júrgen Korol Harald Qazaqstannyń tarıhı murasynyń baı ekendigi týraly jáne Astananyń 2022 jyly XXIV Qysqy Olımpııa oıyndaryn ótkizýine bergen ótinimine baılanysty aqparatty qyzyǵýshylyqpen qabyldady.
