Sırııada gýmanıtarlyq kómekti qajet etetin adam sany 9 mıllıonnan asty. Bul týraly ITAR-TASS habarlady.
BUU-nyń gýmanıtarlyq máseleler jónindegi basqarmasynyń resmı ókili Amanda Pıttiń aıtýy boıynsha, BUU bas hatshysynyń orynbasary Valerı Amos Qaýipsizdik Keńesiniń otyrysynda Sırııadaǵy gýmanıtarlyq jaǵdaıdyń áli de kúrt tómendep bara jatqanyn aıtyp, málimdeme jasaǵan. «Bizdiń derekterimiz boıynsha, búgingi tańda Sırııada 9,3 mln. adam gýmanıtarlyq kómekke muqtaj», – dedi Amanda Pıtt. Ol sondaı-aq Valerı Amostyń BUU Qaýipsizdik Keńesin Sırııadaǵy beıbit turǵyndarǵa kómek kórsetip, gýmanıtarlyq kómektiń jetkizilýi men medısınalyq personaldyń qaýipsizdigin qamtamasyz etý úshin ondaǵy taraptarǵa yqpal etýin surady. Bul sharalardyń barlyǵy 2 qazanda qabyldanǵan Qaýipsizdik Keńesi tóraǵasynyń málimdemesinde qarastyrylǵan bolatyn.
Aıdar О́risbaev.
