"Medısınalyq jedel járdem stansııasy men Polısııa departamentine 114 kólik satyp alyndy. Onyń 65-i polıseılerge, 14-i jedel járdem qyzmetine berildi.
Al jyl sońyna deıin stansııanyń medqyzmetkerlerine taǵy 35 avtokólik beriledi. Buǵan deıin 50-den astam reanımobılder alyp bergenbiz.
Osylaısha jedel medısınalyq járdem stansııasynyń avtoparki jylǵa jetpeı eki jarym ese ulǵaıdy. (О́tken jyly jeltoqsanda avtoparkte 64 mashına bolsa, qazir endi 165 boldy).
Memleket basshysynyń tapsyrmasy boıynsha medısınalyq jedel járdem, Polısııa departamenti, kommýnaldyq qyzmetter, qoǵamdyq kólik jáne t.b. avtoparkterin jańartyp, tolyqtyryp otyrýǵa barynsha kóńil bólip kelemiz.
Máselen, turǵyndar birinshi kezekte jedel járdem qyzmetine habarlasady, olardyń árbir mınýty qymbat. Medısına qyzmetkerleri mine, birneshe aıdyń júzi boldy koronavırýspen kúreste aldyńǵy shepte júr. Árbir jannyń ómiri úshin janyn salyp, jumys istep keledi. Jańa reanımobılderde alǵashqy medısınalyq kómek kórsetýge arnalǵan jasandy tynys alý apparaty, ıngalıasııalyq ottegi júıesiniń jınaǵy; monıtor-defıbrıllıator; elektrosorǵyshtar; arterııalyq qysym, qyzý, tynys alý jıiligin ólsheıtin fýnksııasy bar reanımasııalyq-anestezıologııalyq monıtor syndy barlyq qajetti jabdyq bar.
Maýsymdyq aýrýlar men Covid-19 vırýsyn juqtyrý qaýpin eskersek, bul avtokólikter bizdiń turǵyndarǵa barynsha sapaly qyzmet kórsetýge múmkindik beredi. Indettiń órshigen tusynda jedel járdem qyzmetine kúnine 3 myńnan astam shaqyrtý túsip otyrdy. Avtopark mashınalarynyń 2,5 ese artqany jedel kómek kórsetýmen qatar medısına qyzmetkerleriniń de jumysyn aıtarlyqtaı jeńildetedi. Medısına mamandaryn rezıdentýrada oqytýǵa jarty mıllıard teńge bólindi, ıaǵnı bul 300-deı grant.
Polısııa qyzmetiniń de avtoparki 65 mashınamen tolyqty (buǵan deıin qosymsha 13 avtomashına berilgendi). TJ rejımi kezinde Polısııa departamenti qyzmetkerleri eki aı boıy blokbeketterde táýlikboıy kezekshilikte boldy, kúndiz de, túnde de tártiptiń saqtalýyn qamtamasyz etip keledi. Barlyǵy da turǵyndarymyzdyń qaýipsizdigi úshin jasalyp otyr", dep jazdy Altaı Kólginov.
Ákimdik tarapynan satyp alynǵan avtokólikterdi "Astana Motors" kompanııasy áleýmettik jaýapkershilikti eskere otyryp, merziminen buryn jetkizip berdi.
