Qyzdar arasyndaǵy janjal áleýmettik jelidegi ortaq chatta bolǵan urystan týǵan. Onda olar bir-birine túrli balaǵat sózder aıtyp, onyń arty tóbeleske ulasqan. 20 qyrkúıek kúni Keńqııaq, Shubarshı, Sarkól aýylynyń 8, 9, 10 synyp oqýshylary, barlyǵy 10 qyz tóbelesken. Olar tóbelesti arnaıy vıdeoǵa túsirip, áleýmettik jelidegi paraqshaǵa ózderi júktegen.
"Jábirlenýshi qyz dene jaraqatyn almaǵan. Oqıǵadan soń lezde Temir aýdandyq bilim bólimi, polısııa bóliminen arnaıy monıtorıng toby qurylyp, zerdeleý jumysy júrgizildi", - dedi oblystyq bilim basqarmasy basshysynyń orynbasary Nurgúl Bertileýova.
Bul tóbelesten soń qylmystyq is qozǵaldy. Oqýshylarmen qatar ata-analar da jaýapqa tartylýy múmkin.
"Atalǵan fakti negizinde Qylmystyq kodekstiń 293-baby 2-bóligi, ıaǵnı, buzaqylyq deregi boıynsha is tirkelip, sotqa deıingi tergeý júrgizilip jatyr. Bul faktini Temir aýdandyq polısııa bóliminiń kámeletke tolmaǵandar isi jónindegi ınspektorlary anyqtady", - dep habarlady oblystyq PD baspasóz qyzmeti.
Qazir tóbelesken qyzdardyń ata-anasy ortaq mámilege kelgen. Osy oqıǵadan soń úsh mektep dırektory, tárbıe isi jónindegi orynbasarlar men synyp jetekshilerine tártiptik jaza qoldanyldy.
"Ata-analardy balalaryn, ásirese jasóspirimderdi tárbıeleý máselesine jaýapkershilikpen qaraýǵa shaqyramyz. Olar jasaǵan quqyq buzýshylyqtary úshin jaýapqa tartylatynyn bilýi tıis. Sondaı-aq kámeletke tolmaǵandar isi jónindegi ınspektorlar aýdannyń oqý oryndarynda profılaktıkalyq áńgime júrgizdi", - dedi Aqtóbe oblysy PD bastyǵy Atyǵaı Arystanov.
