Saýal salynǵan respondentter arasynan Qazaqstandaǵy bastamalardyń tek qaǵaz júzinde ǵana júzege asyrylatyny týraly pikirdi jıi estýge bolady. Muny búgin, 5 qarasha kúni Ortalyq kommýnıkasııalar qyzmetinde ótken baspasóz máslıhatynda «Demokratııa ınstıtýty» ǵylymı-zertteý qaýymdastyǵynyń jobalar boıynsha dırektory Iýlııa Kýchınskaıa málimdedi.
Saraptamashynyń sózine qaraǵanda, ınstıtýt júrgizgen áleýmettik saýalnama azamattardyń sanasynda Úkimettiń qaýqarsyzdyǵy týraly pikirdiń berik uıalap qalǵanyn, olardyń tarapynan Qazaqstandaǵy isterdiń bári tek qaǵaz júzinde júzege asyrylatyny jaıly tujyrymdardyń jıi aıtylatynyn kórsetip bergen.
«Bıylǵy jylǵy 26-31 qazan aralyǵynda bizdiń ınstıtýt Qazaqstan turǵyndarymen telefon arqyly saýalnama júrgizdi. Respondetterge qoıylǵan birinshi suraq «Sońǵy jarty jylda memlekettik organdar ókilderi sizdiń jáne siz turyp jatqan eldi mekenniń máselelerin bilýge qyzyǵýshylyq tanytty ma?» boldy. Al suralǵandardyń 18 paıyzy ǵana osyny rastap jaýap qaıtardy», - assosıasııa dırektory.
«Memleket qabyldap, júzege asyrylyp jatqan baǵdarlamalar kóp jaǵdaıda qoǵamnyń múddesine jaýap bere bermeıdi jáne turǵyndar suranysyn qanaǵattandyrmaıdy. Osylaısha árbir úshinshi respondent ózin barynsha mazalandyratyn problemalardyń qatarynda jemqorlyq pen memlekettik organdardyń nashar jumysyn atap kórsetken. Suralǵandardyń 41 paıyzy densaýlyq saqtaý problemasyn, 24 paıyzy joldar qurylysynyń jaıyn, úshten bir bóligi bilim alý men kúnkóris úshin tabys tabý jaǵdaıynyń joqtyǵyn, besten bir bóligi turǵyn úıge qol jetkizýdiń qıyndyǵyn alǵa tartqan. Eger tutastaı alar bolsaq, suralǵandardyń 85 paıyzy Memleket basshysynyń Úkimettiń atyna aıtqan syn-eskertpelerimen tolyq kelisetinderin jetkizgen. Turǵynda olardy shyndyqqa ózin ózi aqtaıtyn, shyndyqqa negizdelgen jáne barynsha ádil dep esepteıdi. Kóbine-kóp búgingi tańda Qazaqstanda barlyǵy tek qaǵaz júzinde júzege asyrylyp jatqanyn estýge bolatyn edi», - degendi qosty Iý. Kýchınskaıa.
Budan basqa, «Úkimet áleýmettik saýalnamalardy belsendi paıdalanýshy bolyp tabylady, alaıda, bar másele mynada, ol mundaıda onyń ózderin qanaǵattandyratyn oń nátıjelerine kóbirek júginedi. Al keleńsiz sátterdi nazardan shyǵaryp jiberedi», dep atap ótti ol.
Aıta ketýimiz kerek, saýaldamada 14 aımaqtyń, Astana men Almatynyń qala jáne aýyl turǵyndary qamtyldy.
Sáken Maılybaı.
