Elordalyq kitaphanalar jelisi qysqarmaıdy. Qazirgi ýaqytta kitaphanalar men arhıv qyzmetin ıntegrasııalaý boıynsha jumys júrgizilýde. Bul oqyrman úshin qolaıly jaǵdaıdy odan ári damytýǵa múmkindik beredi, atap aıtqanda:
1) elektrondy resýrstardy keńinen engizý (biryńǵaı elektrondy kitaphana bazasyn qurý, arhıvtik jáne kitap qorlaryna qashyqtan qol jetkizý, jıyntyq elektrondy katalog qurý jáne t.b.);
2) qoljetimdilik qaǵıdaty boıynsha kitaptarǵa qoljetimdilikti qamtamasyz etý, sonyń ishinde kitaptardy úıge jetkizý;
3) jańa tehnologııalardy engizý (oqyrmandarǵa arnalǵan onlaın-qyzmetter men qyzmetter, qyzyǵýshylyq týdyratyn kitaptar men muraǵat materıaldaryn izdeýdiń ıntellektýaldy júıeleri, biryńǵaı elektrondy kitaphana kartasyn engizý jáne t.b.);
4) qala turǵyndary úshin kitaphana jáne muraǵat qyzmetteriniń qoljetimdiliginiń artýy.
Sondaı-aq kitaphana men muraǵat qyzmetterin ortalyqtandyrý jáne sapasyn arttyrý boıynsha birqatar sharalar qarastyrylǵan.
"Qazirgi ýaqytta Arhıv oqyrmandarǵa elordanyń kitap jáne muraǵat qorlaryna qashyqtan qoljetimdilikti qamtamasyz etýdiń tehnıkalyq máselelerin sheshýge múmkindik beretin ınfraqurylymdy qalyptastyrdy. Bolashaqta elektrondy kitaphana bazasyn qurý jumystary júrgizilýge tıis. Pandemııa men karantın sharalaryn engizý jaǵdaıynda bul qyzmetter erekshe mańyzǵa ıe", - delingen habarlamada.
Kitaphana men arhıvtiń ıntegrasııasy kezinde shyǵarmashylyq mamandyqtar shtaty qysqarmaıdy. Kitaphana qyzmetkerleri ádettegideı jumysyn jalǵastyrady. Ákimshilik-basshylyq quramdy ońtaılandyrý máselesi qarastyrylýda.
