Eń áýeli Qaraǵandydaǵy №3 emhananyń jumysymen tanysty. Qajetti qurylǵylardy, tonometrler men teplovızorlardy tekserdi. Ajar Ǵınaıat balalar dárigeri bolyp jumys istegeni málim. Sondyqtan, osy mekemedegi balalardy tamaqtandyrý jóninde ótip jatqan sheberlik sabaǵyna qyzyǵýshylyq bildirip, mamandarmen tildesti. Sonymen qatar vıse-mınıstrge jańa týǵan nárestelerdiń estý qabiletin tekseretin apparatty jáne balalardy damytý bólmesin tanystyrdy.
Osydan soń Ajar Ǵınaıat Oblystyq juqpaly aýrýlar aýrýhanasyndaǵy ınfeksııalyq-provızorlyq gospıtalde boldy. Vıse-mınıstr mekemedegi emdeý bólimshelerin aralap kórdi. Sondaı-aq H.J.Maqajanov atyndaǵy ınfeksııalyq gospıtaldiń jumysyn qadaǵalady. Bul mekeme pandemııa kezinde qurylǵan.
Ajar Ǵınaıat osydan keıin sıtýasııalyq ortalyqta boldy. Munda koronavırýstyq ınfeksııaǵa monıtorıng jasaıtyn qurylǵylar kórsetildi.
Sonymen birge jedel shtabtyń jumysy baıandaldy. Munda da jedel járdem habarlamalaryna jáne tumaý maýsymyna monıtorıng júrgiziledi jáne naýqastardy aýrýhanaǵa jetkizý barysy pysyqtalady. Jumys qorytyndysy boıynsha vıse-mınıstr Oblystyq Densaýlyq saqtaý basqarmasynda jıyn ótkizdi.
"Dárigerdiń qoǵamdaǵy róli joǵary baǵalana bastady. Medqyzmetkelerdiń bedeli artty. Prezıdenttiń ózi aıryqsha nazar aýdarýda. Joǵary jalaqy taǵaıyndap, orden berip jatyr. Qaraǵandy oblysy indettiń ekinshi tolqynyna daıyn ekenin baıqadyq. Emhanalar men aýrýhanalar halyqqa sapaly qyzmet kórsetýge tas-túıin ázir,- dedi vıse-mınıstr.
