"Qurmetti otandastar! Sizderdi jyl saıynǵy mereke - halqymyzdyń ekonomıkalyq jáne áleýmettik saladaǵy jetistikterine arnalǵan "Eńbek kúnimen" quttyqtaımyn. Bul mereke qyrkúıek aıynyń ár sońǵy jeksenbisinde atap ótiledi jáne qazaqstandyqtardyń eńbekke degen qurmetiniń, olardyń árqaısysynyń óz isinde kásibı maman bolýǵa degen umtylysynyń belgisi sanalady", dedi mınıstr óz quttyqtaýynda.
Nurymbetov bıylǵy jyl qyzyqty jáne kúrdeli bolyp turǵanyn aıtty.
"Barlyq azamat qıyn kezeńnen ótti, jańa jáne ótkir máseleler paıda boldy. Osy kezeńde qalyptasqan eńbek qatynastary men ınstıtýttaryn saqtaý úshin qoldaý jáne qosymsha jaǵdaı jasaý burynǵydan da mańyzdylyǵyn ańǵartýda. Sondyqtan men óz salalaryn alǵa jeteleıtin, kásibıliktiń baǵzydan kele jatqan berik ustanymdaryn buljytpaı saqtaı otyryp, barlyq salaǵa shyǵarmashylyq jáne ońtaılandyrý alyp keletin, osylaısha jumysta jańa jaǵdaı men tyń tásil qalyptastyratyn jas mamandarǵa shyn júrekten alǵys aıtqym keledi", dedi ol.
Adal jáne adal eńbekpen elimizdiń ekonomıkasynyń qalyptasýy men damýyna negiz qalaǵan, egemen Qazaqstannyń damýyna aıtarlyqtaı áleýet jasaǵan aǵa býynnyń - óz isiniń naǵyz mamandarynyń qosqan úlesin de dál osylaı atap ótti.
"Sizder janqııar eńbekterińizben jastarǵa tálimgerlik dástúrdi tabystap, urpaqtar sabaqtastyǵyn saqtap kelesizder. Sizder búginde de óz boılaryńyzdaǵy eń baı kásibı jáne adamgershilik tájirıbelerińizdi jastardy eńbekke, jumysshy mamandyqtaryna degen súıispenshilikke baýlý ári olardy óz Otanyna súıispenshilikke tárbıeleý arqyly jastarǵa tabystaýdy jalǵastyryp kelesizder", dedi eńbekmın basshysy.
Memleket basshysy Qasym-Jomart Toqaev óziniń Qazaqstan halqyna Joldaýynda naqty mindet qoıdy – qazirgi zaman jaǵdaıynda áleýmettik-ekonomıkalyq turaqtylyqty, halyqtyń jumyspen qamtylýyn jáne kirisin saqtaý qajet ekenin alǵa tartty.
"Biz maqsatqa jetýde tıimdilikti arttyrýǵa, azamattarymyzdyń ál-aýqatyn odan ári kóterýge baǵyttalǵan sharalardyń tıimdiligin saqtaýǵa barynsha kúsh salýymyz kerek. Ár otandasyma súıikti kásibin, ózin-ózi taný múmkindigin jáne jumysynyń nátıjesinen lázzat alý múmkindigin tileımin. Laıym ujymdaryńyzda ózara syılastyq pen kásibı sheberlikke negizdelgen jyly qarym-qatynas órbı bersin", dedi Birjan Nurymbetov.
