Halqy kóp, onyń ishinde jumyssyzy da jeterlik, negizinen oralman aǵaıyndardan quralǵan Munaıly aýdanynda ashylǵan árbir jańa ǵımarat, paıdalanýǵa berilgen árbir áleýmettik nysan – úlken jańalyq.
Halqy kóp, onyń ishinde jumyssyzy da jeterlik, negizinen oralman aǵaıyndardan quralǵan Munaıly aýdanynda ashylǵan árbir jańa ǵımarat, paıdalanýǵa berilgen árbir áleýmettik nysan – úlken jańalyq.
Jýyrda aýdan ortalyǵy Mańǵystaý aýylynda ortalyq aýdandyq emhana qurylysy aıaqtalyp, halyq ıgiligine usynyldy.
Bir aýysymda 250 adamdy qabyldaı alatyn emhanadan júkti áıelderge keńes berý bólmesi, balalar bólimshesi bólek ornalasqan. Aýdandyq aýrýhana basshylyǵynyń aıtýynsha, emhana qannyń ártúrli taldamalaryn tekseretin kóp fýnksııaly apparattarmen, zamanaýı qondyrǵylarmen jabdyqtalypty.
Jyl sońyna deıin Munaıly aýdanynda taǵy tórt dárigerlik ambýlatorııanyń tusaýyn kesý josparlanǵan. Al aýrýhananyń da qujattary daıyndalyp, «Dıplommen – aýylǵa!» baǵdarlamasy aıasynda 53 medısına qyzmetkerine birjolǵy járdemaqy jáne 7 mamanǵa turǵyn úı satyp alýǵa bıýdjettik nesıe taǵaıyndalǵan.
Oqýshysyna mektep jetispeı, turǵyndarǵa jumys pen emhana jetispeı, oqyrmanǵa gazet-jýrnal jınaqtalyp bir-aq baratyn, oblys ortalyǵyna jaqyn bolsa da alys ornalasqan aýdandaǵy bul aýyz toltyryp aıtyp, kóńil birleıtin jańalyq boldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
––––––––––––––––––
Sýretti túsirgen:
Serik MAIEMEROV.
