Taıaýda «Qazaqstan Barysy» qazaq kúresin damytý qory respýblıkalyq «Jas Barys» týrnırin qorytyndylap, qazaq kúresinen halyqaralyq «Eurasia Barysy» týrnıri men «Qazaq kúresiniń ótkeni, búgini men bolashaǵy» taqyrybynda ǵylymı-tájirıbelik konferensııanyń ótetinin habarlady.
Taıaýda «Qazaqstan Barysy» qazaq kúresin damytý qory respýblıkalyq «Jas Barys» týrnırin qorytyndylap, qazaq kúresinen halyqaralyq «Eurasia Barysy» týrnıri men «Qazaq kúresiniń ótkeni, búgini men bolashaǵy» taqyrybynda ǵylymı-tájirıbelik konferensııanyń ótetinin habarlady.
Jıynda «Qazaqstan Barysy» qazaq kúresin damytý qory Qamqorlyq keńesiniń tóraǵasy Arman Shoraev aldaǵy kezde elimizde eń úlken jobanyń qolǵa alynatynyn aıtty. Osy jerde ol «Qazaqstan Barysy» qorynyń jeltoqsan aıynda elimizde tuńǵysh ret halyqaralyq «Eurasia Barysy» týrnırin ótkizetinin, oǵan Qazaqstan, Mońǵolııa, Qytaı, Túrkııa, Iran, Polsha, Reseı jáne Tájikstan quramalary qatysatynyn jetkizdi. «Bul týrnır Taraz qalasynda 7 jeltoqsan kúni ulttyq sportymyzdyń bedelin halyqaralyq arenada arttyryp, qazaq balýandarynyń sheberligin odan ári shyńdaý maqsatynda ótedi. Balýandar 5 salmaq dárejesi boıynsha aınalma júıede beldesedi. Beldesýler qazaq kúresiniń erejesimen komandalyq sıpatta ótedi. Bul básekeni biz jylda «Qazaqstan barysy» sııaqty ótkizýdi josparlap otyrmyz », – dedi ol. Osydan keıin ol «Eurasia Barysy» týrnıri sátti ótse bolashaqta «Álem barysy» atty jańa jarysty ótkizetinderin, ol 2017 jyly EKSPO kórmesi kezinde kókpar men toǵyzqumalaqtan ótetin álem chempıonaty sııaqty ótýi múmkin ekenin málimdedi. Al bıyl elimizde tuńǵysh ret ótetin «Eurasia Barysy» jarysynyń qalada jańadan ashylǵan «Taraz Arena» sport kesheninde ótetinin, onyń júlde qory 80 myń AQSh dollary bolatynyn jetkizdi.
Dúnıejúzilik qazaq kúresi federasııasynyń prezıdenti Serik Tókıev óz oıyn bildirip, «Qazaq kúresiniń ótkeni, búgini men bolashaǵy» atty ǵylymı-tájirıbelik konferensııa barysynda tól kúresimizdi ári qaraı damytýdyń jańa baǵyty talqylanyp, ulttyq sportymyzdyń qazirgi jaı-kúıi sarapqa salynyp, qazaq kúresiniń erejesi men tóreshilik etý jáne sporttyq kúrteshege qatysty usynystar jasalatynyn aıtty. «Qazaqstan Barysy» qazaq kúresin damytý qory baspasóz qyzmetiniń habarlaýynsha, konferensııa barysynda «Qazaq kúresine qosqan úlesi úshin» júldesimen tól kúresimizdiń damýyna atsalysqan azamattar saltanatty túrde marapattalady.
Osydan keıin jıynǵa qatysýshylar jaqynda ǵana Qyzylorda qalasynda qazaq kúresinen ótken respýblıkalyq «Jas Barys» týrnıriniń qorytyndysy týraly málimetterimen bólisti. Osy týrnır týraly «Qazaqstan Barysy» qazaq kúresin damytý qorynyń atqarýshy dırektory Sársen Quranbek óz oıyn bildirip, jarystyń joǵary deńgeıde ótkenin, oǵan elimizdiń ár óńirinen 23 salmaq dárejesi boıynsha 400-ge jýyq talantty balýandar qatysqanyn, kúrester kadetter (1998-1999 j.t.,9 s/d), jasóspirimder (1996-1997 j.t.,7 s/d) jáne jastar (1994-1995 j.t., 7 s/d) arasynda ótkenin atap ótti.
Dastan KENJALIN,
«Egemen Qazaqstan».
