«SQ-Farmasııa» jumys tobynyń múshelerimen kezdesti

Qatysýshylar mınıstrmen birge dári-dármekti satyp alý­dy jetildirý, josparlaý jáne logıstıka, farmasevtıka nary­ǵynyń damý máselelerin talqylady. Qoǵamdyq jumys tobynyń usynysy boıynsha «SQ-Farmasııada» kompanııa qyzmetiniń strategııalyq baǵyttaryn jobalaý toptary ashylady, olar dári-dár­mek­pen qamtamasyz etý júıesin jetil­dirýge kómektesedi. Dári-dármek satyp alý menlogıs­tı­kany jetildirý, josparlaý, tańbalaý, otandyq farma­sev­tı­kalyq óndiristi, Big Pharma baǵdarlamasyn (TOP-30 Halyq­ara­lyq farmasevtıkalyq brend­te­riniń tájirıbesi), IT damytýǵa yq­pal etedi.

Kezdesý barysynda mınıstrge kompanııa jumysynyń ba­rynsha ashyq bolýyna áser ete­tin tetikter usynyldy. Má­se­len, jaqynda «SQ-Far­ma­sııada» «Problemalyq máseleler kitaby» ashyldy. Jumys toby­nyń otyrysynda kóterilgen bar­lyq másele «Problemalyq máseleler kitabyna» engiziledi, qaralady jáne jedel sheshim qabyldanady. Atap aıtqanda, «Problemalyq máseleler kita­by» aıasynda 44 júıeli máse­le kóterildi.

«SQ-Farmasııa» jumys toby­­nyń músheleri biryńǵaı dıstrıbıýtor júrgizetin pan­demııaǵa qarsy kúres jónin­de­gi jumysqa azamattyq qo­ǵam­­­nyń belsendi qatysýyn qam­­tamasyz eýdi usyn­dy. Oty­rys­ta áleýmettik ma­ńy­zy bar orfan­dyq preparat­tar­dy qosa alǵanda, dári-dár­mek­ter­diń merzi­mi men ony tirkeý máse­le­le­­ri kóterildi.

О́z kezeginde, mınıstr álem­de kez kelgen preparat min­det­ti tirkeýden ótetinin, óıtke­ni ónimniń qaýipsizdigi pen tıim­di­ligine qatysty másele týǵan jaǵdaıda memlekettik organ tıisti tekserý júrgizý úshin qujat qajet ekenin atap ótti. Sebebi sırek kezdesetin aýrýy bar naýqastardyń ómiri keıde belgili bir preparatqa táýeldi bolady.

Sonymen qatar qoǵam bel­sen­­dileri farmakologııalyq qada­ǵalaýdy kúsheıtýge nazar aýdar­dy. О́ıtkeni sary kartalar jetkiliksiz jáne dárilik zattardy paıdalanýdyń tıimdiligi men qaýipsizdigin baǵalaýda júıeli tásil qajet.

Qoǵam belsendileri Qa­zaq­stan aýmaǵynda tirkel­me­gen DDU negizgi dárilik zat­tar tizimine kiretin dári-dár­mek­ti qoljetimdi etý týra­ly usynys jasady. Jumys toby músheleriniń pikirinshe, bul halyqty bazalyq dárilik zat­tarmen qamtamasyz etýge múmkindik beredi. Jumys toby ár óńir deńgeıinde monıtorıng júrgizýge múmkindik beretin dárilik zattardy tutynýdy ba­ǵa­laý máselesin qarastyrýǵa jeke toqtaldy. Sonymen qatar taraptar pandemııa jaǵdaıynda densaýlyq saqtaý júıesiniń jumys isteý modelderin tal­qy­lady, halyqty úzdiksiz dári-dár­mekpen qamtamasyz etýdi jetil­dirýdiń jalpy tásil­de­rin belgiledi.

«Kompanııada engiziletin barlyq jańalyqty, úzdiksiz dári-dármek jetkizýdi jolǵa qoıý jáne biryńǵaı dıstrıbıýtordyń jumysyn jaqsartý úshin qajetti sharalar qabyldaý josparlanyp otyr», dedi «SQ-Farmasııa» JShS basqarma tóraǵasy Erhat Esqalıev.

Kezdesý qorytyndysy bo­ıynsha A.Soı mınıstrliktiń qo­ǵam belsendilerimen ynty­maq­tas­tyqta ózara is-qımylǵa daıyn ekenin jetkizdi.

Eske sala keteıik, «SK-Far­ma­sııa» JShS-de qoǵamdyq jumys toby quryldy. Oǵan azamat­tyq qoǵam men bıznes-qaýym­dastyq ókilderi, depýtattar men salalyq sarapshylar kirdi. Jumys toby qoǵamdyq ma­ńyzdy máselelerdi sheshý úshin azamattyq qoǵammen ózara qa­tynas­ty jaqsartý maqsatynda qurylǵan. Búginge deıin 2 otyrys ótkizdi. Jumys tobynyń jıyny «SQ-Farmasııa» JShS feısbýktegi resmı paraqshasynda tikeleı taratylady.