Qazaqstan Prezıdenti Nursultan Nazarbaev Emomalı Rahmonǵa onyń Tájikstan Respýblıkasynyń Prezıdenti qyzmetine qaıta saılanýyna oraı quttyqtaý jedelhatyn joldady. Bul týraly Aqordanyń saıtyna silteme jasaǵan Egemennews.kz tilshisi habarlady.
О́z quttyqtaýynda Qazaqstan Prezıdenti saılaýdaǵy jeńis Tájikstan halqynyń E.Rahmonǵa jáne onyń eldegi turaqtylyqty saqtaý, turǵyndar ál-aýqatyn arttyrý baǵytyna degen joǵary seniminiń belgisi ekenin atap ótken. Sondaı-aq, Memleket basshysy Tájikstan Prezıdentiniń qyzmeti eldiń odan ári órkendeýine septigin tıgizetinine senimin bildirgen.
«Dostyq pen ózara qurmet dástúrlerine negizdelgen Qazaqstan men Tájikstan arasyndaǵy kóp josparly yntymaqtastyqtyń aıasy bizdiń baýyrlas halyqtarymyzdyń ıgiligi úshin alda da keńeıip, nyǵaıa túsetinine senemin», – delingen jedelhatta.
Jedelhat sońynda Nursultan Nazarbaev E.Rahmonǵa zor densaýlyq jáne jańa tabystar, sondaı-aq dostas tájik halqyna beıbit ómir men baq-bereke tilegen.
