AQSh federaldy barlaý bıýrosynyń qyzmetkerleri budan 30 jyl buryn bortynda 56 jolaýshysy bar ushaqty zańsyz aıdap, Kýbaǵa ótip ketken Ýılıam Potts degen adamdy tutqyndady. Bul týraly www.1TV.ru saıty habarlady.
Ýılıam Potts Bostandyq aralynda 30 jyl turǵan. Onyń bir ókinetini, «ańsap jetken» eli mańdaıynan sıpaı qoımapty. Sondyqtan álgi qylmysy úshin Kýba túrmeleriniń birinde 13 jyl otyrady. Jazasyn ótep shyqqan soń Ýılıam úılenip, eki qyzdyń ákesi atanady. Alaıda, áıeli eki qyzyn ertip, budan bir jyl buryn AQSh-qa qonys aýdarypty.
Kýbada qalyp qoıǵan Ýılıam Potts otbasyna degen saǵynyshtyń aıdaýymen qaýip-qaterden qoryqpaı, AQSh-qa ushyp keledi. Biraq, sanasyn saǵynysh shyrmaǵan ákeni otbasy músheleri emes, kópten beri tisterin qaırap júrgen AQSh federaldy barlaý bıýrosynyń qyzmetkerleri ony ushaqtan kútip alady.
Kezinde «Qara qabylan partııasy» degen afroamerıkalyq uıymnyń múshesi bolǵan Ýılıam Potts endi bas bostandyǵynan ómir boıy aıyrylýy múmkin.
Esterińizge sala keteıik, «qyrǵı-qabaq soǵys» kezeńinde, ıaǵnı 1960-1970 jyldar aralyǵynda AQSh-tan Kýbaǵa onshaqty ushaq zańsyz «qýylyp» ketken. Bul oqıǵalar sol tustarda AQSh-tyń bedeline úlken nuqsan keltirgen. Ásirese, AQSh óziniń KSRO sekildi saıası básekelesteriniń aldynda qatty «uıalǵan».
Al AQSh óziniń abyroıyna keri áserin tıgizgenderdi arada 30 jyl emes, 30 ǵasyr ótse de, keshirmeıtini belgili.
Joldybaı Bazar.
