Bıyl shetelderge 10 mln. tonna astyq shyǵarylady. Aýyl sharýashylyǵy vıse-mınıstri Múslim О́mirııaev sonymen birge, ótken jyly bul deńgeı 7,1 mln. tonnany quraǵanyn baıandaı kelip, búginge deıin alqaptardyń 97 paıyzynda ónim jınalyp alynǵanyn málimdedi.
Bıyl shetelderge 10 mln. tonna astyq shyǵarylady. Aýyl sharýashylyǵy vıse-mınıstri Múslim О́mirııaev sonymen birge, ótken jyly bul deńgeı 7,1 mln. tonnany quraǵanyn baıandaı kelip, búginge deıin alqaptardyń 97 paıyzynda ónim jınalyp alynǵanyn málimdedi.
Qazaqstanda 2020 jylǵa deıin kólik logıstıkasyn damytýǵa 60 mlrd. dollar ınvestısııa quıylady. Osyny habarlaǵan «Qazaqstan temir joly» AQ prezıdenti Asqar Mamın endi elimizde kólik aktıvterin, magıstraldyq ınfraqurylymdy jáne termınaldardy yqpaldastyrý boıynsha is-sharalar júzege asyrylatynyn atap ótti.
«Aqbulaq» baǵdarlamasy aýyldardy aýyzsýmen qamtamasyz etýdi bıyl tııanaqtaıdy. Bul týraly habarlaǵan Geologııa jáne jer qoınaýyn paıdalaný komıtetiniń tóraǵasy Bazarbaı Nurabaev jyl sońyna deıin 341 aýyldy jerasty sýlary qorlarymen qamtamasyz etý, jerasty sýlarynyń 35 ken ornynyń qorlaryn qaıta baǵalaý jolyndaǵy izdestirý-barlaý jumystary aıaqtalatynyn aıtty.
Shymkentte «Din jáne áıel» forýmy bolyp ótti. Oblys ákimdiginiń bastamashylyǵymen qanat jaıǵan jıyn atalmysh taqyrypty qoǵamdyq ortada jan-jaqty talqylaý úshin pikirtalas alańyn uıymdastyrýdy, jastardyń ıslam dininiń negizderi týraly durys maǵlumat alýyna yqpal etýdi kózdedi.
Semeı qalasynda ótken aktıv jınalysy Elbasy tapsyrmalarynyń júzege asyrylý jaıyn talqylady. Ony júrgizgen Shyǵys Qazaqstan oblysynyń ákimi Berdibek Saparbaev Úkimettiń keńeıtilgen otyrysynda aıtylǵan syn-eskertpelerdiń oryndalý barysy jóninde esep alyp, alda atqarylatyn jumystardyń jaıyn anyqtady.
Qostanaı kommýnısteri Uly Oktıabr revolıýsııasynyń 96 jyldyǵyn atap ótti. Qazaqstan kommýnıstik partııasy oblystyq fılıalynyń músheleri ony qaladaǵy Jeńis saıabaǵy aldyndaǵy Lenın eskertkishine gúl shoqtaryn qoıýdan bastady.
Atyraýda adam saýdasymen aınalysatyn ózbek áıeli qolǵa tústi. «Belgili bolǵandaı, sońǵy 2,5 jyl boıy ol О́zbekstan azamatshalaryn Qazaqstanǵa jezókshelikpen aınalysýǵa jiberip otyrǵan», – dep habarlady oblystyq ishki ister departamenti baspasóz qyzmeti.
«QazAqparat», «Qazaqstan jańalyqtary», Nur.kz, Bnews.kz,
TengriNews, EgemenNews habarlary boıynsha daıyndaldy.
