Keńeske qatysýshylar ınvestısııa tartý boıynsha kózdelgen kórsetkishterge qol jetkizý barysy týraly baıandady. Almaty, Mańǵystaý, Túrkistan oblystary, Aýyl sharýashylyǵy mınıstrligi, Indýstrııa jáne ınfraqurylymdyq damý mınıstrligi, Sıfrlyq damý, ınnovasııalar jáne aeroǵarysh ónerkásibi mınıstrligi usynǵan jobalar qarastyryldy.
Ár sala mınıstrlikteri usynǵan jobalar qatarynda áýejaı, sement zaýytyn, qus fabrıkasyn, kabel jáne transformator shyǵaratyn óndiristik keshen salý, mıneraldy tyńaıtqyshtar men qurama jem shyǵaratyn zaýyttar, qatty turmystyq qaldyqtardy kádege jaratý men qaıta óńdeý zaýytyn, shoıyn shyǵaratyn metallýrgııa zaýyty, et óńdeıtin keshenniń qurylysy, baqtardy damytý jáne óńdelgen jemisterdi óndirý, balyq ósirý kesheni jáne taǵy basqalary bar.
Alqaly jıynda jobalardyń ózektiligi, iske asyrý kezeńderi, qujattamanyń daıyndyǵy jáne jalpy usynylǵan ınvestısııalyq jobalardyń árqaısysy boıynsha problemalyq máseleler talqylandy. Usynylǵan ınvestısııalyq jobalar elimizdiń ekonomıkalyq jáne áleýmettik damýyna oń áser etedi. Bul jobalardyń iske asyrylýyn monıtorıngileý prosesi birinshi vıse-premerdiń jeke baqylaýyna alyndy.
