Aımaqtar • 30 Qyrkúıek, 2020

Aýdandyq aýrýhanalarǵa jedel járdem kólikteri satyp alyndy

51 ret kórsetildi

Búgin Aqtóbege ákelingen  19 jańa jedel járdem kóliginiń13-i aýdandyq aýrýhanalarǵa jóneltilip,  6-ýy Aqtóbe qalasyndaǵy jedel járdem beketine berildi, dep habarlaıdy Egemen.kz.

Qazirgi ýaqytta óńirde epıdemıologııalyq jaǵdaı turaqtanǵan. Aqtóbe qalasynda jedel járdem shaqyrtý úsh ese, naýqastardy stasıonarlarǵa jatqyzý 10 esege tómendep,  qalalyq juqpaly aýrýlar aýrýhanasyndaǵy tósek-oryn júktemesi 78%-dan 16,2%-ǵa  azaıǵan. Degenmen, kún sýyta sýyq tııý men  jedel respıratorly syrqattardyń kóbeıýimen qaıtadan COVID-19 kúsheıýi múmkin degen boljamǵa aldyn-ala daıyndyq júrgizildi.  

Pnevmonııamen syrtqattanýshylar úshin   315 tósek-oryn daıyndalsa, odan basqa 3588 tósek-oryn rezervke qoıyldy.  

"Qajet bolǵan jaǵdaıda tósek oryndardy 315-ten 3 903-ke deıin, sonyń ishinde jansaqtaý bólimindegi oryndar sanyn 401-ge deıin kóbeıtý josparlanyp otyr. Jazda  eki emdeý mekemesi jóndelip, stasıonarlar qajetti  jabdyqtarmen  qamtamasyz etildi. Kereýetter ottegimen 93% qamtylyp, úsh stasıonar ortalyqtandyrylǵan ottegimen qamtamasyz etildi.  Aldaǵy kúnderi ókpeni jasandy jeldetetin 147 apparat, kompıýterlik tomograf, 13 stasıonarlyq rentgen apparaty, eki jyljymaly rentgen apparaty, avtonomdy ottegi beketi men KamAZ túrindegi eki jyljymaly medısınalyq keshen jetkiziledi dep kútilip otyr", deıdi oblys ákiminiń orynbasary Nurjaýǵan Qalaýov

Bul kúnderi 47 622 aqtóbelik tumaýǵa qarsy egildi. 

Aqtóbe oblysynyń ákimi Ońdasyn Orazalın aýdan ákimderine barlyq aýrýhanalardyń sanıtarlyq talaptarǵa sáıkestigin qatań tekserip, medısınalyq jabdyqtardy, dári-dármekter men jeke qorǵanys zattaryn qaıta túgendeýdi  tapsyrdy. О́ıtkeni, "Syrqat sany kóbeıgen jaǵdaıda, qalalyq stasıonarlarǵa júk túspeýi kerek".

 

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar