Zoologııa ınstıtýtynyń bas dırektory, IýNESKO-nyń "Adam jáne bıosfera" baǵdarlamasynyń Qazaqstandaǵy Ulttyq komıtetiniń tóraǵasy Roman Iаshenko bylaı deıdi: "Keshe Parıjdegi dıplomattarymyz "Kólsaı kólderi" jobasyn IýNESKO-nyń muralar tizimine engizý týraly ótinim bergenin habarlaǵym keledi. Bizdiń ótinishimizge baǵalaý júrgiziledi jáne kelesi jyldyń maýsym aıynda bul másele sheshimin tabady degen oıdamyn".
IýNESKO-nyń búkilálemdik muralar tiziminiń basty mindeti – erekshe kútimdi qajet etetin tabıǵı nysandardy qorǵaý. Sondaı-aq tabıǵı muralardy tanymal ete otyryp, mádenı ári ekologııalyq baılanysyn arttyrý.
Aıta keteıik, kólder júıesi Joǵarǵy, Orta, Tómengi Kólsaı kólderin biriktiredi. Úsheýiniń árbirinde ózine tán tylsym syry, sıpattaýǵa kelmeıtin, sóz jetpes sulýlyǵy bar. Sol tamashanyń barlyǵyn tanytý maqsatynda kólderge aparatyn túrli jaıaý joryqtar, atty ekskýrsııalar jáne serýender jıi uıymdastyrylyp turady.
