Bul – ǵaryshtyq ólshem.
Al bizdiń tórt-bes ǵasyrlyq tarıhy bar ultymyzdyń aıasynda qarastyrsaq, jazba ádebıettiń tarıhy asa uzaq ta emes.
Dál osy turǵydan alsaq, aqyn-jazýshylardyń tizimi túgel bolar. Biraq ádebıettiń túgeldigi turǵysynan umytylyp bara jatqandar barshylyq.
Máselen, Qosjan Músirepov degen («Raýshan» degen kitaby bar) aqyn múlde umytylyp ketti.
О́mirden erte, tosyn jaǵdaıda ketken, qazaq sımvolızminiń bastaýshysy, aqyn – Bernııaz Kúleev; Beıimbet, Ilııastarmen qatarlas jazýshy, sol tusta óleńder, áńgimeler, pesalar, syqaqtar jazǵan – Jıenǵalı Tilepbergenov (jas kezinde naýqastan kóz jumǵan); sol zamandaǵy ádebıetke eńbegi sińgen, sol dáýirdiń bilgiri, jazýshy Ǵalym Ahmedov sııaqty adamdardy biz qazir eske alýdy da umyttyq.
Sondyqtan qazaq ádebıetine eńbegi sińgen (qandaı dárejede bolsa da) barlyq dáýirlerdiń qalamgerlerin eske túsirip, solardy úzdiksiz nasıhattaý, ǵylymı-tanymdyq eńbekter jasaý kerek sııaqty.
