"Aýa-raıy qubylmaly elordada jasyl beldeý men ekologııalyq aımaqtar ekologııany jaqsartyp qana qoımaı, klımattyq jaǵdaıdy jumsartýǵa múmkindik beredi. Kóktemde jáne kúzde qalanyń barlyq aýdandarynda aǵash otyrǵyzýmen aınalysamyz. Saıabaqtarǵa, qoǵamdyq keńistikterge jáne aýlaishilik aýmaqtarǵa erekshe nazar aýdaramyz. Búgin halyq arasynda Pıramıda dep atalatyn Beıbitshilik jáne kelisim saraıynyń boıyndaǵy Tuńǵysh Prezıdent saıabaǵynda aǵashtar otyrǵyzyldy. Sharaǵa eriktiler, qoǵam qaıratkerleri, mádenıet jáne sport qaıratkerleri, qala turǵyndary qatysty. Tek osy demalys kúnderi myńǵa jýyq aǵash otyrǵyzamyz", deıdi Altaı Kólginov.
Qýantarlyǵy, bıyl otyrǵyzylǵan aǵashtardyń jalpy sany 30 myńnan asady. Osylaısha, qalada birtindep jasyl araldar men ekologııalyq aımaqtar sany kóbeıedi.
"Karantın kezinde 15 myńnan astam jumys ornyn ashýǵa múmkindik bergen "Jumyspen qamtýdyń jol kartasy" baǵdarlamasy boıynsha birqatar mádenıet, sport jáne bilim berý nysanyn jóndeýge kiristik. Qazir Beıbitshilik jáne kelisim saraıyna jóndeý jumystaryn júrgizip jatyrmyz. Búgingi tańda ǵımarat boıymen otyrǵyzylǵan aǵashtar qazirdiń ózinde bul jerge jaılylyq berip tur. Birneshe jyldan keıin osy aımaqta qurylǵan ekologııalyq aımaqtar birneshe ese kóp bolady", deıdi elorda ákimi.
Sóz sońynda ákim Memleket basshysy halyqqa Joldaýynda eldi aýqymdy kógaldandyrýdyń mańyzdylyǵyn atap ótkenin, osy baǵytta júıeli jumys júrgizilip jatqanyn da qosa ketti.
