Aımaq basshysy aldymen aýdandaǵy Qostóbe aýylyna at basyn burdy. Ondaǵy orta mektep janynan "Aýyl - El besigi" baǵdarlamasy aıasynda sport zal, májilis zaly, úsh oqý kabıneti men ashanany qamtıtyn qosymsha ǵımarat salynýda. Bas merdiger "Taraz Irrıgasııa" JShS nysandy bıyl tamyzda paıdalanýǵa berýi kerek bolatyn. Merzimnen keshikkeni úshin kásiporynǵa úsh mıllıon teńge aıyppul salyndy. Tapsyrý merzimi 18 qarashaǵa sozyldy.
"Qurylys ekinshi aıǵa sozylýda, al oqý jyly áldeqashan bastalǵan. Jaqynda ekinshi toqsanǵa aıaq basamyz. Jumystardy jedeldetip, ekinshi toqsan bastalǵanǵa deıin aıaqtaý qajet. 1 qarashaǵa deıin nysan tapsyrylýy tıis", - dedi oblys ákimi.
B.Saparbaev jospardan tys Qostóbe aýylyndaǵy Áýlıeata men Qonaev kóshelerine at basyn burdy. Bul kóshelerde úsh aıdan beri joldar, trotýarlar men aryqtardyń qurylysy júrip jatyr. Bul jumystardyń jalpy quny 2,1 mlrd teńgeni quraıdy.
"Jumys tym uzaqqa sozyldy. Men eki aı buryn osynda bolǵan kezben salystyrsam ózgeris kóp emes. Bul óte qymbat joba, muny qabyldaýda óte muqııat bolyńyzdar. Bıyl aýdan turǵyndarynyń áleýmettik mańyzdy máselelerin sheshýge bıýdjet qarajatynan 12,9 mıllıard teńge bólindi. Degenmen keıbir jobalardy júzege asyrý merzimderi keshiktirilýde. Keler jyly qarajatty bólý kezinde bıýdjet aqshasyn barynsha tıimdi paıdalanatyn aýdandarǵa basymdyq beriletinin eskerińizder", - dedi óńir basshysy aýdan ákimi Nurjan Nurjigitovke qarata.
Al, Býryl aýylynda "Aýyl - el besigi" baǵdarlamasy aıasynda dene shynyqtyrý-saýyqtyrý kesheni salynýda. Munda gımnastıkalyq jáne oıyn zaldary bolady. Jobanyń quny 349 mıllıon teńgeni quraıdy. Merdiger "Taraz qurylys Dızaın" nysandy aǵymdaǵy jyldyń qazan aıynyń sońyna deıin tapsyrýdy josparlap otyr. Berdibek Saparbaev ákimshilik úı-jaılardy qysqartý arqyly sport zaldarynyń aýmaǵyn barynsha keńeıtýdi tapsyrdy.
Oǵan jaqyn mańda 180 oryndyq Mádenıet úıi boı kóterýde, ol da qazan aıynyń sońyna deıin tapsyrylmaq. Oblys ákimi merdigerler ǵımarattyń ishki qurylysyna ǵana emes, qasbettiń bezendirilýine de jaýapkershilikpen qaraý kerektigin atap ótti. Jergilikti Jeńis saıabaǵynda da abattandyrý jumystary bastalypty. Bul jumystar aǵymdaǵy jyldyń qarasha aıyna deıin aıaqtalatyn bolady.
Túımekent aýylyndaǵy "Qarlyǵash" balabaqshasynyń kúrdeli jóndeýi aıaqtalǵan. Mekeme basshylyǵynyń aıtýynsha, munda 1983 jyldan beri kúrdeli jóndeý kórmegen. Jóndeý jumystarynyń nátıjesinde ǵımarat ishinde sý qubyry men káriz júıesi júrgizilgen. 140 orynǵa eseptelgen balabaqshada qazirgi tańda 75 bala tárbıelenýde.
Túımekent orta mektebindegindegi kúrdeli jóndeý jumystary da aıaqtalýǵa jaqyn. Qazir eńbek sabaqtaryna arnalǵan sheberhanany jóndeý jumystary qyzý júrgizilýde. Al demeýshi esebinen kıim sheshetin oryn salynýda. Sondaı-aq, demeýshilik qarajatqa mektep aýmaǵynyń bir bóligin asfalttaý josparlanýda.
"Mektepti jóndeý jáne onyń syrtqy kelbetin jaqsartý mańyzdy. Balalar úlkenderdiń qamqorlyǵyn sezinip, jaqsy jaqqa qaraı ózgergende, bul bilim berý úderisine oń áser etedi", - dep atap ótti B. Saparbaev.
Búginde Baızaq aýdanynyń alqaptarynda pııazdy jıi kezdestirýge bolady. Degenmen, bul kókónisti saqtaý áli kúnge ózekti kúıinde qalyp otyr, óıtkeni ol óte erekshe kútim men arnaıy saqtaý sharttaryn talap etedi.
Baızaq aýdanynyń ákimi Nurjan Nurjigitovtyń aıtýynsha, aýdanda árqaısysynyń syıymdylyǵy 20 myń tonna bolatyn eki qoıma bar. Qazir olar 15 myń tonnaǵa toltyrylǵan. Aǵymdaǵy jyly Baızaq aýdanynyń alqaptarynda 100 myń tonna pııaz jınaý josparlanyp otyr. Bul kókónisti ósirýmen sharýa qojalyqtary ǵana emes, qarapaıym otbasylar da aınalysady.
Qyryqbaevtar otbasy bıyl 18 gektar jerge pııaz ekken. Oǵan tamshylatyp sýarý júıesi qoldanylady. Egistik basynan pııazdyń kelisin 35 teńgeden satyp alýǵa bolady. О́nim jınaý qarqyndy júrip jatyr. Jergilikti turǵyndardan quralǵan jumysshylar jınaǵan ár qaby úshin 80 teńgeden alady. Bir kúnde jumysshylar 8 myń teńgege deıin tabys tabady. Oblys ákimi B.Saparbaev fermerler otbasynyń jumysyn joǵary baǵalady.
"Osy jazda jaqsy jumys istegenderińiz kórinip tur. О́nim jaqsy. Qazir eń bastysy – bul ónimdi kóktemge deıin saqtaý. Sonda onyń quny edáýir artyp, bizdiń fermerler laıyqty aqsha tabatyn bolady. Bizge osy baǵytta jumys istep, kókónis qoımalaryn kóbeıtý kerek. Bul kókónis bizdiń elimizdiń barlyq aımaqtarynda óse bermeıdi. Sondyqtan pııaz Jambyl oblysynyń brendine aınalýy qajet", - dep atap ótti aımaq basshysy.
Aýdandaǵy "Iаshar" sharýa qojalyǵy 25 gektar jerde qant qyzylshasyn ósirýde. Bıyl pestısıdterdiń quny ósken, al shıkizatty qabyldaý baǵasy burynǵy deńgeıde qalǵan. Qazir "Merke qant zaýyty" JShS qyzylshanyń kelisin 20 teńgeden qabyldaýda, onyń 12 teńgesin memleket sýbsıdııa retinde tóleıdi.
"Naryqta monopolıst bolsa olar óziniń erejelerin aıtyp, jeńildik jasamaıdy. Sondyqtan sharýalar olarǵa táýeldi bolady. Sharýa qojalyqtary qaýymdastyqqa birigip, ózderiniń shaǵyn qant zaýytyn salýy kerek. Sonda sharýalar ózderine yńǵaıly jaǵdaıda jumys istep, egistik kólemin qoryqpaý ulǵaıta alady", - dedi oblys ákimi.
Sondaı-aq "Iаshar" sharýa qojalyǵynyń basshylyǵy "Merki qant zaýyty" JShS shıkizatty tek keshki altyǵa deıin ǵana qabyldaıdy dep shaǵymdandy. Kóptegen dıqandar óz ónimderin bul ýaqytqa deıin jetkizýge úlgermeıtindigin aıtyp, zmýyttyń qabyldaý ýaqytyn uzartýdy suraıdy. Sondaı-aq kásiporyn shıkizatty tek 1 jeltoqsanǵa deıin qabyldaıtyndyǵyn habarlaǵan. Aımaq basshysy sharýalarǵa bul jaǵdaıdy ózi baqylaýǵa alatyndyǵyn basa aıtty.
Búkil oblysqa tanymal "Aǵalı" sharýa qojalyǵy ártúrli aýylsharýashylyq daqyldaryn ósirýmen ǵana emes, iri qara malyn bordaqylaý jáne sút ónimderi men shujyq óndirýmen aınalysady. Al jaqynda bul sharýashylyq qulpynaı ósire bastaǵan. Bıyl bul jıdek bes gektarǵa otyrǵyzylypty.
Nábı Aǵalıevtiń aıtýynsha, sharýashylyq turaqty damyp kele jatqanyn aıtyp, oblys ortalyǵynda saýda núkteleri qajettigin jetkizdi. Oblys ákimi B.Saparbaev sharýanyń bul máselesin sheship berýge oblys ákimdigi kómektesetinin aıtyp sendirdi.
