Aımaqtar • 05 Qazan, 2020

Elordaǵa gaz qashan beriledi?

55 ret kórsetildi

Nur-Sultan ákimdiginde "QazTransGaz Aımaq" AQ uıymynyń ókilderimen gaz berý jáne úılerdi gazǵa qosý úshin tehnıkalyq sharttar berý barysy talqylandy. Elorda ákimi Altaı Kólginov ishki jelilerdi júrgizý jáne úılerge gaz berý máselesin erekshe baqylaýǵa alýdy tapsyrdy.

"Jaqyn arada ishki jelilerge gaz berýdi iske qosamyz. Oǵan deıin gazben jabdyqtaý jelileriniń qaýipsiz jáne úzdiksiz jumysyn qamtamasyz etý, jelilerdiń sapaly ótkizilýine baqylaýdy kúsheıtý qajet. Jeleznodorojnyı turǵyn alabynda gazben jabdyqtaýdy taratý jelileri 100% salyndy, Promyshlennyı, Kóktal-1, Kóktal-2 turǵyn alaptarynda jumystardyń aıaqtalýy jaqyn. Bul jumystar Agrogorodok pen Ońtústik-Shyǵysta júrgizilýde. Úılerdi gazǵa qosyp, tehnıkalyq sharttardy alý úshin úsh turǵyn alabynda front-keńseler ashyldy. Tehnıkalyq sharttar tegin beriledi. Sonymen qatar, jeke sektordyń turǵyndary úshin eseptegishter de tegin beriledi.

Elordany gazdandyrý - Elbasynyń tarıhı jobasy. Aýqymdy jumys júrgizildi, ońtústik óńirlerden elordaǵa 1 myń shaqyrymnan astam "Saryarqa"gaz qubyry salyndy. Gazdandyrý ekologııany jaqsartýǵa múmkindik berip qana qoımaı, bul turǵyndardyń densaýlyǵyna áser etedi. Sonymen qatar jeke sektor turǵyndarynyń ómir súrý jaǵdaıyn aıtarlyqtaı jeńildetedi", - dedi elorda ákimi Altaı Kólginov.

Elorda ákimi Altaı Kólginov aralaý barysynda JEO-1-di gazǵa kóshirý boıynsha júrgizilip jatqan jumystardyń barysymen tanysty. Atalǵan jumystar eki JEO-da da júrgizilýde. Bıyl JEO-1 jáne JEO-2 birqatar qazandyqtary gazǵa kóshiriledi. Sonymen qatar, jylý elektr ortalyqtarynda jóndeý jumystary júrgizildi, JEO-nyń artyqshylyǵy - olar gazben de, mazýtpen de, kómirmen de jumys isteı alady. Gazdandyrý prosesi úsh kezeńge bólingen. Gazdandyrý birneshe jyl boıy júrgiziletin bolady, turǵyn úı alaptary kezeń-kezeńimen gazǵa qosylatyn bolady. Bul másele Memleket basshysynyń baqylaýynda.

Sońǵy jańalyqtar

Dollar baǵamy kóterildi

Ekonomıka • Búgin, 11:50

Olıveıranyń kelesi qarsylasy – Getjı

Jekpe-jek • Búgin, 11:00

Andrade Álimhanulymen kezdesýden bas tartty

Kásipqoı boks • Búgin, 10:10

Erkin Tuqymov jańa qyzmetke taǵaıyndaldy

Taǵaıyndaý • Búgin, 09:20

Júrek izdegen adam

О́ner • Búgin, 09:05

Bekzattyń qarsylasy belgili

Boks • Búgin, 09:02

Bir mınýttaǵy tabysy – 8 mln

Sport • Búgin, 08:59

«Shańyraq» aıasyndaǵy «Shalqyma»

О́ner • Búgin, 08:57

Sheshýshi matchqa qatysa almaıdy

Fýtbol • Búgin, 08:55

Ardagerler aqyl qosty

Aımaqtar • Búgin, 08:52

Jazylǵandarǵa qaraǵanda juqtyrǵandar kóp

Koronavırýs • Búgin, 08:50

Uqsas jańalyqtar