Nursultan Jıenbaev 1981 jyly dúnıege kelgen. Eki joǵary bilimi bar: Abaı atyndaǵy Almaty memlekettik ýnıversıtetin «Halyqaralyq quqyq» mamandyǵy boıynsha jáne Máskeýdiń Skolkovo basqarý mektebin «Iskerlik basqarý sheberi» mamandyǵy boıynsha támamdaǵan. Massachýsets tehnologııalyq ınstıtýtynyń «Zattar ınterneti: bıznes modelderi men múmkindikteri» baǵdarlamasynyń jáne Saïd bıznes-mektebiniń «Blokcheın strategııasy» baǵdarlamasynyń sertıfıkattalǵan mamany.
Eńbek jolyn «QazaqGaz» Respýblıkalyq kompanııasy» AAQ klırıng departamentiniń kelisim-sharttar jónindegi menedjeri bolyp bastaǵan. Memlekettik satyp alý jónindegi agenttikte, «Azyq-túlik kelisim shart korporasııasy» AQ-da jumys istedi.
Bıznes-qurylymdarda jumys istegen mol tájirıbesi bar. «Kazakh Invest UK» AQ Basqarma tóraǵasynyń orynbasary bolǵan. 2017 jylǵy qyrkúıekten bastap qazirgi ýaqytqa deıin Indýstrııa jáne ınfraqurylymdyq damý mınıstrliginiń «TKSh jańǵyrtý jáne damytý qazaqstandyq ortalyǵynyń» Basqarma tóraǵasy qyzmetin atqaryp keldi.
Jańa laýazymda Nursultan Jıenbaev energetıka, turǵyn úı-kommýnaldyq sharýashylyq jáne tótenshe jaǵdaılar salalaryna jetekshilik etedi.
Eske salsaq, oblys ákiminiń burynǵy orynbasary Ermaǵanbet Bólekpaev jýyrda Qaraǵandy qalasynyń ákimi laýazymyna taǵaıyndalǵan bolatyn.
Qaraǵandy oblysy
