Spıker jedel-izdestirý qyzmetin nemese sotqa deıingi tergep-tekserýdi júzege asyratyn laýazymdy adamnyń, keıinnen áshkereleý jáne qylmystyq jaýapqa tartý nemese bopsalaý maqsatynda adamdy qylmys jasaýǵa kóndirgen zańsyz áreketteri, qylmystyń arandatýyna jatatynyn atap ótti.
«Jazanyń eń tómengi shegi – 7 jylǵa deıin merzimge, belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, 3 jyl bas bostandyǵynan aıyrý. Eń joǵarǵy sanksııa – belgili bir laýazymdardy atqarý nemese belgili bir qyzmetpen aınalysý quqyǵynan on jyl merzimge aıyra otyryp, 12 jylǵa bas bostandyǵynan aıyrý», - dep atap ótti O. Bektenov.
Jaza zańsyz áreketterdiń zorlyq-zombylyqpen ne kúsh qoldaný qaterimen ushtasqanyna, múliktiń joıylýyna nemese búlinýine ákep soqqanyna, ne adamnyń materıaldyq nemese ózge de táýeldiligin paıdalana otyryp jasalǵanyna, qylmystyq toptyń múddelerinde jasalǵanyna, nemese ózge de aýyr zardaptarǵa ákep soqqanyna qaraı taǵaıyndalatyn bolady.
